Hello !
上回講到進入 "室蘭市" 境內 ,
先去 "地球岬" 度參觀 , 攪掂之後 ,
下一站就係上 "測量山" 一探 "室蘭市"既全景 ,
由 "地球岬" 去 "測量山" , 路程唔算遠 ,
基本上整個 "室蘭市" 地方都係好細 , 用車繞場一周都係好快攪掂果隻 .
經過一個駅 , 叫做 "母戀駅" , 由於 "室蘭駅" 先至係總站 ,
所以都冇落去參觀 , 只係經過影張相就算 , 當係到此一遊 .
又一次經過九曲十三灣 , 加埋勁上斜 , 先至到達呢個 "測量山" ,
擺好部車之後 , 仲要上一段樓梯至到達 .
NHK ? 唔通呢度係電視塔 ?
各位觀眾 : "測量山"
海拔 199.63M , 唔算好高 , "藻岩山" 都 531M啦 .
我至鍾意上D高地望番落去果種 Feel ,
(好似 T38 , 摩天輪之類) 打後仲有好幾個呢類地方遊覽 .
加埋D風 , 現場好 Feel 好多 .
呢度可以360度睇晒 "室蘭市" 既全景 .
登別 & 室蘭 , 兩個都屬於沿海地方 .
"白鳥大橋" , 一陣去 "洞爺" 會經過佢 .
呢度地勢三面環海 , 零零舍舍突出黎 .
好正 ~ 真係冇黎錯 . Yeah !
Zoom近黎睇 .
海邊好似有座燈塔 .
呢條就係 "白鳥大橋" , 幾似 "青馬大橋" 喎 .
Wow ~ 大風車 , 一陣去參觀 .
呢舊野同 "測量山" 有乜關係呢 ?
落山之後 , 下一站就係去 "室蘭駅" 參觀 ,
之前講過就算唔坐 JR , 都想去D車站參觀 , 遲D仲有好幾個參觀 .
車站冇乜車位 , 求其泊嚮附近 , 唔好黎抄牌呀 . ^^
P.M.2:40 , 呢個 "室蘭駅" 都幾型仔喎 .
"大橋" 廣告定係Toyota租車廣告呢 ?
入車站裡面參觀 , 呢度買車票 .
長万部 , 2號月台上車 .
下Part往 "室蘭水族館" .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~