Hello !
上回講到食完餐 "吞拿魚丼" , 呢篇繼續 .
立即趕下場 , 往停車場時經過 "魷魚鬚" 檔口 ,
咦 , 有人幫襯緊喎 , 襯下熱鬧先 .
Wow , 燒到香噴噴 , 可惜剛食完餐勁 ,
否則既話 , 整番條都唔錯 . ^_^ !!
參觀完畢 , 上車後行20分鐘左右 , 又要落車 .
裡面有D乜野呢 ? 其實係觀光船售票處 .
門口有個錨 , 研究埋先入去 .
錨の概要 .
真係落足料咁喎 .
入到去裡面 , 最搶鏡就係 : 氣溫13度 .
蓋章處 .
佐井村觀光協會 .
如果想買觀光船飛 , 請過黎呢邊 .
大人往復 2300Yen . 下班船欠航 .
因為果陣都過晒尾班船時間 .
時候表 .
離開 "觀光船中心" , 向 "仏ヶ浦" 進發 , 中途有好景 .
知唔知點解斜斜地 ?
因為在車裡拗身出黎影 , 落車都懶 . haha ...
話時話 , 呢度地方實在太大 ,
由朝早出發參觀 "八食市場" 到家陣 , 行車加參觀時間都唔小 ,
到達呢個展望台 , 已經係P.M.4:05 , 而山路地勢九曲十三灣 ,
即使之前練習過行山路 , 都慳唔到幾多時間 .
上面果張係正常場景 , 呢張係Zoom近鏡 .
好似唔錯咁喎 . (請打橫睇)
黎多張添 . (又係請打橫睇)
係咪好正呢 ? 不過嚮度影來影去都係得一個角度 .
不如落去下面影 , 現場睇仲正 . ^^
仏ヶ浦は極樂の磯 . 羅漢 ~ 如來が立ち並ぶ
可以睇到咁多野 ? 我乜都睇唔到喎 , 可能慧根不足啦 .
下北半島遊點一覽圖 .
呢度就係 "佐井村 仏ヶ浦" .
真係好大地方 .
攪掂 , 走得 .
去埋洗手間先啦 . ^_^ !!
表面上四野無人 , 其實唔係架 ,
我參觀果陣有位電單車友 , 同佢一齊參觀 ,
走亦都一齊走 , 不過佢部車起步快好多 .
大湊 63km , 落埋去 "仏ヶ浦" , 仲夠唔夠時間 ?
唔理得咁多咯 , "仏ヶ浦" 呢度我志在必得 ,
下篇一齊參觀啦 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~