Hello !
上回講到參觀完外景 , 呢篇繼續 .
時候都唔早 , 係時候食晚餐 , 去程果陣都介紹過 ,
呢度冇明火煮食 , 只能夠靠微波爐叮叮 , 總共有三部微波爐 ,
隔離有洗手盆 , 飯前洗手先 . ^^
如果食杯麵既話 , 麻煩將D渣倒落網度隔一隔 ,
最好沖一沖個杯先掉 .
再一次參觀個食堂 .
雖然唔算太多 , 總算有D人氣啦 .
睇睇有乜好食 ?
意粉 , 飯 ~ 麵 , 一應俱全 .
零食都有 .
飯後甜品 , 雪糕 . ~ ^0^ ~
飲品 .
最後係熱飲 , 左邊係杯麵 .
買定離手又試開 . haha ...
啤酒 160Yen , 意粉 550Yen , 芝士蛋糕 110Yen .
3個幾鐘頭船 , 乜野酒氣都散晒 , 唔會構成醉駕掛 ?
乜都清晒 , 呢餐都幾飽 , 真係估佢唔到 .
玩番幾手 "憤怒鳥" , 已經打爆晒機咯 , 版版都三粒星架 .
船就參觀完 , 漫漫長夜 , 都冇乜好做 , 唔通咁早就休息 ?
曾幾何時睇過報紙 , 話 "日本" 有心開賭場 ,
我建議搵呢味船黎做試點 , 開幾檯大小 ~ 廿一點 ~ 百家樂嚮度 ,
一出到公海就開檔 , 我敢保証個個都唔會咁早就訓覺 ,
若然再送埋 "泥碼" 俾遊客 , Wow , 又食又拎 , 諗起都興奮 .
諗諗佢啦 , 無謂白白浪費隻船嘛 . haha ...
磨磨下又到步 , (今次冇訓到覺) 同上次一樣 ,
差唔多到達時 , 音樂嚮起 , 各位司機請落停車場Stand by .
又見 Toyota porte .
都仲有位 , 尚未爆滿 .
OK , 上車 .
上車準備定 , 仲要等佢埋岸 , 都要多等一陣 .
呢部車都唔錯喎 .
攝住車轆既木 , 佢地已經拎走晒 .
一陣順時針方向掉頭落下層 , 再跟大隊離開 .
GPS顯示 , 船隻經已泊岸 .
準備開車 , 時間係 P.M.8:55 .
部車上到陸地時 , 個GPS同上次一樣冇晒地圖 ,
一片海洋藍 , 有上次經驗 , 只要繼續行多一兩分鐘 ,
D資料就會重新傳送 , 淡定有錢剩喎 , 切記 .
天光搭到天黑 , 直接往酒店 Check in ,
今晚住 "函館" Winning Hotel , 十零分鐘車程就到 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~