Hello !
上回講到攪掂晒 "仏ヶ浦" , 呢篇繼續 .
本來仲有一個叫做 "脇野沢" 既地方要去 ,
資料話果度有 "馬騮仔" 睇 , 類似 "金山郊野公園" 咁 .
不過果陣已經係P.M.5:00 , Set過GPS問時間 , 如果去埋果度再往酒店 ,
到達時間係P.M.8:00 , 雖然快車可以節省時間 , 但係頂多咪半粒鐘 ,
開夜車亦都唔係未試過 , 但係果度始終屬荒山野嶺 ,
如非必要都唔係咁想做 , 所謂 : 留得青山在 , 都係下次先去啦 .
依家就直接往酒店 , 酒店在 "大湊市" 內 .
行了半粒鐘之後 , 到達一個 "道の駅" ,
橫掂順路 , 就停一停啦 . (一部車都冇 , 任泊都得)
下北半島地圖一張 .
行成半粒鐘都係離開 "仏ヶ浦" DD咋 , 距離最左既 "大湊市" ,
仲有一大段距離 , 夾硬去埋左下既 "脇野沢" 的話 ,
真係要P.M.8:00到酒店都唔出奇 .
一場黎到呢度 , 點都要幫襯個洗手間既 . XD
石碑一塊 .
黎多塊添 . (不過完全唔知寫乜 ? )
簡單既案內圖 .
順便介紹埋 , 呢個 "道の駅" , 叫做 "かわうち湖" .
不過收晒檔 , 搵個人影睇下都難 .
野平高原交流センター
之後大約行多一個小時 , 到達酒店樓下 , 天都未黑齊 .
呢度就係酒店停車場 , 泊宿既話唔駛錢 .
另外本來呢段係好普通既車程 ,
但係發生左兩件事 , 令我頗有印象 .
第一單係由於唔想太晏到酒店 , 於是發揮我山路之王既本色 .
(自己認為) ^_^ !!
谷盡我生平所學既入灣術黎駕駛 , 去到某一處 ,
小路有部車出黎 , 心諗 : 咁冇癮架 , 頂住晒 .
老規矩啦 , 跟住你先 , 行得慢就爬你頭 . 誰料佢一轉入大路即如猛虎出柙 ,
無論直路與轉灣我都無法佔優 , 轉眼就被拋離得無影無縱 ,
邊有咁可怕既對手架 ? 我自問都進步左唔小 , 豈料完全冇辦法跟得佢住 ,
莫非佢係呢一帶山上既幽靈 ? haha ...
~~~~~~~~~~~~~~~~~~~~~~~~~~~~~~~~~~~~~~~~~~~~
第二單係行到其中一段路裡面 , 進入長長既碎石路 ,
一般碎石路 , 頂多都係100m左右 , 豈料果條碎石路 ,
正式係一望無際 , 在碎石上面行 , 點都唔可以行得太快 ,
約莫都係30-40km , 條路越行越有 , 我諗冇10分鐘都有8分鐘 .
果刻真係有D驚 , 掉頭又唔係 , 前行又沒完沒了 ,
如果全程都係呢D路 , 真係天黑都唔駛旨意去到 .
我自問都算係一個好修養既人 , 當時都爆晒粗咁鬧 ,
內容大約係 : 有冇攪X錯呀 ? "日本" 政府好窮咩 ?
(呢句對白出現過好幾次) XD
咁X大段碎石路都唔修理 , 都離晒大譜架 ...
依家諗番起 , 都覺得幾無謂 , 逆境始終都會過嘛 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
隔離就係 "大湊駅" , 一陣會過去參觀 .
遠處係 "釜臥山展望台" , 聽日會上去參觀 .
拎齊野入去Check in , 比預約時間遲到40分鐘 ,
唔緊要啦 , 今次酒店不設晚餐 , 要食自己 .
好快就攪掂入住手續 , 職員介紹附近有大型超市可以購物 ,
如果要求唔高 , 仲可以在裡面買野食 , 房間下一篇先介紹 ,
依家都落到樓下 , 介紹酒店周邊與及 "大湊駅" .
酒店大門 .
隔離係車站 , 附近自然有D車站擺設 .
燈號指示一個 . (請打橫睇)
乜野黎呢 ? 電車GO ?
警署 .
案內圖 .
周邊景點 .
後面就係主角 .
JR大湊駅 .
總站 .
裡面地方唔大 .
售票窗 , 咁早休息 ?
蓋章處 .
估唔到佢連紙都供應埋 , 讚呀 !
側面仲有D擺設 , 下北物產協會提供 .
宇賀燒 . (幾好手工喎)
花樽 ?
呢味時辰計算方式 , "日本" 都興既咩 ? 仲以為係 "中國" 獨有添 .
藤織既手袋 . (古老當時興) haha ...
得一個人嚮度等車 .
售票機 .
時刻表 .
開放式車站 , 可以出去行 .
果然係總站 , 冇得再行 .
歡迎光臨 , 下北半島 .
有車到 .
有D似 "山手線" 列車 .
出番黎外面 , 呢度係的士迴旋處 .
攪掂 , 可以去超市購物 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~