2016北海道雪駕遊D1-2 到達關西機場篇

Hello !

上回講到在機場T2既7仔度食意粉 ...

食完行多陣就入閘過關 , 一輪出境檢查之後 , 黎到呢度 .

搵番航班上機閘口 , 20:45 GK 064 大阪/關西 Gate 26 .

要搭無人列車 , 請上車 .

話咁快就到站 , 1-36 左手邊 .

仲要搭自動樓梯上 .

上到去上面 , 同 T1果邊匯合 .

果陣係大年初一 , 機場都要擺桃花應市 .

免費互聯網服務 .

終於到達 Gate 26 .

時間尚早 , 仲未有人開檔 .

等到佢攪掂 , 可以上機 .  ^^

話時話 , 我係第一次幫襯 Jetstar , 有Blog友話坐位窄 , 

呢樣我一直都擔心 , 上到機後一試個坐位 , 都唔係丫 , OK喎 .

我身高172cm , 43寸長腳都唔頂膝頭 , 叫做合格架喇 .

由於早上機 , 頭上櫃位仲未有人放行李 .

坐位冇電視 , 呢樣預左架啦 .  =_= !!

剛剛先坐低 , 未有咁快開機 .

遲左10零分鐘先開機 , 可接受範圍內 .

有餐派 ~ 原來訂位果陣我有預埋晚餐 , 

我都唔記得左 , 到佢派到黎先知 .  XD

味道都唔錯 .  ^_^ !!

各式飲品食品價目表 .

有入自然有出 , 洗手間都合格 , 今次對 Jetstar 印象都唔錯 .

數小時機程之後 , 到達大阪關西空港 , 要搭接駁巴士 .

去到入境大堂 , Wow ~ 超級多人 , 估唔到咁夜都咁多人入境 ,

足足排左一粒鐘多DD先至攪掂打手指模既入境手續 , 

跟手再去領回寄艙行李 , 去到呢度 .

大阪關西空港 , 今次係第一次幫襯 .

當時係凌晨時份 , 請將音量收細 .

LAWSON 便利店 .

麥記 , 唔夠飽可以添食 .

02:50 案內所當然空無一人啦 .

ANA 水靜鵝飛 .

各類交通情報 .

由於要搭內陸機上札幌 , 所以求其搵個位訓覺 , 

呢個經驗都係第一次 , 充滿電影 : 機場客運站 Feel .

P.S. : 好位俾人霸佔晒 , 得番下層唔好訓既坐位 .

暫時放鬆心情 , 耐心等候 Jetstar 櫃台開工 .

早D抖 , zzzzzzzzzzzzzzzzzzzzzzzzzzz

Bye Bye !