2016北海道雪駕遊D1-3 到達新千歲機場篇

Hello !

上回講到深夜兩點幾 , 到達 關西空港 ...

黎到 Jetstar 櫃檯 , 同 ANA 一樣 , 鬼影都冇隻 , 有先至唔正常 .

漫漫長夜 , 真係要搵個地方眠一眠 , 

上篇講過 , 上層D舒服梳化位 , 晨早俾人霸晒 .

過到黎郵政局呢邊又睇下點 ?

情況都係一樣 .  =_= !!

落番去下層硬座 , 呢度大把位任你點訓都得 .

仲有靚仔相陪 . haha ...

呢張係我訓低時向上影個天花板 .

硬座又點會有深層睡眠丫 , 都係邊訓邊醒 , 已經磨到 04:53 .

好唔容易才捱到 06:00 , 開始有番D人氣 .

呢個通宵雖然都幾辛苦 , 不過亦都算係一個幾特別既體驗 .

在洗手間梳洗過後 , 早餐到 .  ~ ^_^ ~  

(可能肚餓啦 , 味道唔錯)

開工喇喂 , 得一兩個人 , 唔駛點排隊 .

攪掂寄艙行李之後 , 又到自由時間 .

 Wow ~ 好有型呀 .

KIX 02月09日 , 有冇興趣做機組人員呀 ?

國內線 出發 , 08:00 札幌 , GK 153 Gate 24 .

一輪檢查之後 , 過都黎呢邊 , 原來天都仲未光 .

呢邊大把位 .  ^^

黎到 Gate 24 , 未開檔 , 又要繼續等 .

四圍參觀下呢個關西空港 .

開始天光喇 .

ANA ~ 今次唔係幫襯佢 .

主角現身 , Jetstar 銀色機身 , 充滿戰鬥機 Feel .

天色再光D .

晨光第一線 .

咁就要 Zoom 近D喇 .

Zoom 到盡 , 好好咁欣賞日出 .

日上三竿 , 又到上機既時候 .

今次機程短D , 大約兩個小時 .

在機上再小睡一陣 , 好快就到達新千歲機場 .

果然係北海道 , 地下見到雪喇 .

等候行李中 , 唔講你唔知 , 我果件行李係第一件出閘 , 

搭咁多次飛機都係第一趟 , 勁呀 !

全部都係向前行 , 第一個任務係搵洗手間 . haha ...

跟住先至輪到搵租車公司 .

好 ~ 一連三篇機場篇 , 冇悶親大家嘛 ? 下篇開始有車睇 .

Bye Bye !