Hello !
上回講到參觀完 幣舞の湯 既房間 ...
去埋個洗手間就落去食飯 , 食飯既地方其實冇乜心水 ,
凍冰冰 ~ 又唔想行到去 釧路駅 果頭 , (更加唔想食便利店晚餐)
咁啱酒店有D餐廳10%贈券 , 橫掂冇頭緒 , 就幫襯佢啦 .
餐廳就在酒店隔三幾個街口 , 叫做 : くし炉 あぶり家
去到佢門口話一位 , 佢安排我坐櫃檯前 , D位凹左落去 , 幾過癮 .
劈頭第一件事 , 就係 : 拿酒來 . 夜晚唔駛揸車 , 一於飲大佢 .
坐櫃檯前有度好 , 可以睇住佢整野 .
仲可以參觀埋間餐廳 .
充滿日式Feel既神壇 .
食材好新鮮咁款 . ^_^ !!
睇睇個Menu , 本日店長推介 .
野未黎已經飲左三份一杯 . Yeah !!
黎喇 ~ 第一味 , 貌似 吉列豬扒 既炸物 .
其實D餡係蠔黎架 . (咬開黎影相 , 認真核突) haha ...
第二味 ~ 鯨魚刺身 , 都幾韌下 .
第三味 ~ 燒雞串 .
第四味 ~ 椒鹽雞翼 . (一碟兩隻都唔怕死啦)
第五味 ~ 白灼海蝦 .
第六味 ~ 唔知乜野天婦羅 .
每碟得果小小 , 好快就食完 , 呢餐折後埋單 : 3888Yen .
都幾貴下 , 之後再去7仔入貨 .
臨返酒店前 , 去 幣舞橋 練習影相 , 正常版既 LA VISTA .
光D又如何呢 ? 鍾意邊一張 ?
酒店對面係呢個植物溫室 , 上次參觀過 .
幣舞河 ? 好似係海水黎過喎 ?
P.S. : 正確應該叫做 : 釧路川 .
呢間 LA VISTA 住過兩次 .
先黎張暗既 .
再黎張光既 .
今次黎張勁光 . 金光閃閃 , 勁呀 .
勁到冇朋友 . haha ...
暗番DD .
呢張正常 .
未影完架 , 下篇仲有 , 星期日晚再黎過啦 .
Bye Bye !
釧路, 有時間我會停留兩日
回覆刪除兩日 ? 有D乜野節目呀 ?
刪除睇丹頂鶴囉
刪除DAY3會去 釧路市湿原展望台 . ^^
刪除釧路市湿原展望台有得睇咩? 識就要倒夜香咁早到音羽橋 , 跟住去埋鶴居・伊藤^^
刪除邊去得到咁深入呀 , 夜晚仲要住在 霧多布 .
刪除好彩你冇去釧路站嗰邊搵嘢食，嗰頭夜晚冇嘢食架，我住站嗰度都行黎你呢邊搵食。
回覆刪除大小姐有乜好介紹 ^^
刪除Nerissa : 我仲以為 釧路站 比較熱鬧添 . XD
刪除大小姐有乜好介紹 ? 想知道X2 . haha ...
刪除釧路站嗰頭夜晚冇嘢食架 x2
刪除Nerissa 有乜好介紹 ? 想知道X3 XXD
我都係喺釧路食過三餐飯咁多咋,都冇乜特別地方一定要食都係行到邊想食就食^^
刪除Nerissa : 雖然唔係我想要既答案 , 不過都俾到好寶貴既資料 ,
刪除就係 釧路站 附近冇乜好野食 . THX !!
點解唔去搵阿婆，小肥成日去，阿婆D燒魚好正架...
回覆刪除啊婆燒魚 ? 好呀 ~ 上小肥兄度做功課先 . ^^
刪除http://3jfamily.blogspot.hk/2012/08/2012-day-6-iii.html
刪除睇我依篇吖..
Wow ~ 好詳細呀 , 如果有機會再到 釧路 , 一定要會一會佢 , 不過唔知幾時 . =_= !!
刪除點解唔可以影相呢 ? 咁神秘 ~ 唔通D野食有不傳秘方 ?
又唔係丫 ~ 食物可以影架 , 真係諗唔通呀 .
鯨魚刺身...咩味?
回覆刪除鯨魚刺身...咩味? X2
刪除大家都對鯨魚肉好有興趣咁喎 , 其實呢D野只不過係噱頭 ,
刪除唔好睇鯨魚肉好似神神秘秘咁 , 實則刺身認真麻麻 , 仲有D韌韌地 ,
再簡單D講 , 即係食完唔想再翻單果隻 , 唔似得大拖羅咁 ,
食完想再食再食再再食 . haha ...
黑人憎鯨魚都食, 食幾片就幫咗日本人去殺多啲鯨魚!!!!!!!!!!!!!!!!!!
刪除唉 ~ 所謂入鄉隨俗 , 就算我唔食 , 都唔可以改變日本人捕鯨既習慣 ,
刪除不過有樣野可以應承你 , 就係試過呢次之後 , 唔會再主動食鯨魚肉 .
小姐, 夜媽媽喺條橋行嚟行去, 有無人以為你睇唔開 @@
刪除邊有人睇唔開會拎住部相機架 ? 你估要黎錄影遺書咩 . XD
刪除多謝支持 . ^^
回覆刪除