2016北海道雪駕遊D2-5 恋問海岸篇

Hello !

上回講到參觀完 昆布刈石展望台 ...

之後去便利店買左個 咖哩豬扒飯 , 除非外面勁大風 , 

正常既情況下 , 我都唔會在車裡面食飯 , 

因為萬一倒瀉左兜飯或者支咖啡 , 都會相當大劑 .   >_< !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

食完餐飯再行多半小時左右 , 到達今日第三個景點 ~ 恋問海岸 . 

呢度又係一個報仇地點 , 上次冇相寫 , 今次擺多幾張 .

叫做攞番個彩 , 如果想睇番上次點樣狼狽地介紹佢 , 可以Click入呢度 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

頭先食果餐便利店飯 , 真係有D失策 , 因為呢度有出名既 豚丼 , 

一時唔記得左 , 個肚冇位再擺野 , 一場黎到都唔可以試一試佢 , 可惜 !

另一個可惜既係 恋問館 休息 , 不過唔係太過緊要 ,

因為只係一個賣野既 道の駅 , 海岸先至係主角 .  ^_^ !!

道の駅 ,  しらぬか恋問 .

恋問館 , 休息中 ...

隔離 寶龍拉麵 , 照常營業 .

恋問 ~ 咁大個招牌 , 唔怕你睇唔到 .

再隔離有個木造既展望台 .

白糠展望台 .

上去咯 ~

遠處果D就係太陽能板 , Zoom大張相先至知 , 影果陣都唔多覺 .

呢度有太陽能板既詳細介紹 .

停車場 .

道の駅全景圖 .

呢邊向海 .

幾好陽光 .

好一個一望無際既海景 .

拉麵店後面係食堂 , 豚丼 ~ 唔知仲有冇機會一試呢 ?

影埋呢張落去下面 .

左手邊就係頭先個展望台 .

天氣好 ~ 心情都好D . haha ...

準備好落海未 ? 影埋呢度就去海邊 .

點解有幾條魚上左岸 ?  XD

原來係擺相機位 , 影合照都唔駛假手於人 , 都幾體貼喎 .

好大個錨 .

恋問海岸 .

黎張合照 .

雲量唔算多 .

遠處就係 道の駅 .

黎喇喂 , 小心大浪 .

唔想整濕對腳 , 所以冇除鞋玩水 .

真係掃過黎架 , 閃遲D鞋都濕埋 . haha ...

又一個浪黎緊 .

我閃 ~

又要唱 : 潮聲浪聲去又來 ...

好似啤酒泡咁 .

見唔見海中心有D野 ?

Zoom到盡就見到船一隻 , 唔知乜野航線呢 ?

左手邊既陸地 , 如果冇估錯 , 應該係釧路市 .

舊雲似乜野呢 ? 我覺得似條金魚 , 你地又睇到似乜 ?

呢邊仲有大把雲 , 慢慢諗 ~

玩到呢度都差唔多 , 要返上去咯 .

大木都沖到上岸 , 咁堅 ?

雪糕店都一併休息 .  =_= !!

唯有上車啦 .

聽晚星期六休息 , 所以今晚擺多D相 , 滿足未 ?   ^_^ !!

星期日晚見 .

Bye Bye !