Hello !
上回講到在機場擺地攤式小睡 , 終於捱到天光 ...
經過一輪追查之後 , 相機已經在我手上 , 詳細情況請Click入下面網誌 .
等左一個星期 , 急不及待影番幾張 , 就當係Check機 .
物歸原主 , 感覺相當唔錯 , 呢程都算值得既 . ^^
過番機場再影 , 順便用佢既 wifi 黎寫篇報平安網誌 .
TSUTAYA 書店 , 次次都係凌晨到步 , 第一次見佢營業 .
北川景子 ~ 最後睇佢既日劇係 偵探的偵探 .
劇中個 Feel 似 米倉涼子 , 又係好硬朗果隻 , 我至欣賞 .
之前講過 , 本來想去 海遊館 / 環球影城果邊參觀 ,
不過時間所限 , 都係去番上次幫襯過既 黑門市場 食早餐 .
睇過幾時有車出 難波 .
月台小店 .
有車在恭候多時 , 請上車 .
920Yen , 今次係普通車 , 唔駛補飛 .
(上次就係因為要補飛 , 攪到雞毛鴨血 . haha ... )
車廂冇乜人 , 可能時間尚早掛 ?
大約半個鐘多D , 到達 南海難波站 , 黎過一次 , 熟晒路咯 .
早上氣溫7度 , 堅係凍呀 , 今次只係著件薄外套加T恤 , 好凍既呢 .
向住 黑門市場 方向行 , 見到呢座野 , 乜野黎既呢 , 好勁咁喎 .
上網Check過 , 原來係SPA + 膠囊酒店 .
咦 ~ 膠囊酒店 , 未住過喎 , 不過只係招待男賓 , 可惜 ...
好快就到達 黑門市場 入口 , 今次時間剛好 , 唔會太早 .
由於呢度實在太正 , 就算上輯介紹過 , 都要重新再介紹 .
勁多野賣既家品店 , 今次有冇斬獲呢 ?
木筷子 ~ D花紋好正 , 整番包先 , 用唔晒都可以送俾人 .
前面係休息站 .
生果店 .
雞泡魚 , 好肥美呀 .
蔡瀾大力推薦 . (上次都有介紹過)
師父應該有領牌掛 ?
不過就算有 , 我都唔敢試 . XD
其他生猛海鮮 .
松葉蟹 21000Yen .
燒排骨 ?
黎到休息站 .
站外都有小食賣 , 上次黎都冇 .
去番燒牛肉果檔隔離 吞拿魚檔 , 上次冇試 , 今次補數 .
2000Yen一碟 , 下面係飯黎架 , 並非鋪滿 .
有D飯襯托又OK喎 , 咁多位請起筷 . ^_< !!
上次買左果款水壺呢度都有採用 , 不過佢果個大D .
頭先至用佢黎裝滾水 , 又諗起 北海道 . Yeah !!
食完 ~ 一米不留 .
垃圾開入店外回收桶 , 自己識做啦 .
繼續四圍參觀 , 呢間係炸物店 .
各式炸物都有 , 好吸引 .
燒蝦 & 大肉腸 . (呢度掃街一流)
爆彈牛雜 , 個名咁堅 .
疑似 關東煮 .
勁大扇貝 .
海膽 ~ 在這裡能吃 .
鮑魚 .
攪到我都想試 .
即開即食 .
就幫襯隻蠔啦 , 650Yen . 充滿海水味 , 入口即溶 , 夠晒新鮮 .
食開有條路 , 繼續搵野食 .
一兜兜排開晒 , 好似在 爭先 揀壽司咁 . XD
當然呢度正好多啦 , 起碼款式都多D .
雜錦刺身 , 1000Yen . 唔好客氣 , 請隨便 !
呢座野勁呀 , 在佢隔離見熱咁滯 , 唔知香港有冇得賣 ?
不過 ~ 在香港一年只係用一兩個星期 , 唔多化算喎 ...
食完之後 , 亦結束左 黑門市場 呢個行程 .
Bye Bye !
讚哦······
回覆刪除謝謝 !
刪除