2016/08/02

2016北海道雪駕遊D11-1 黑門市場篇A




Hello !


上回講到浸完溫泉搭的士返酒店 , 之後大覺瞓 ...

醒來之後就係第十一日 , 亦即係行程既最後一日 , 

今晚搭 21:15 班機返香港 , 所以只得日頭果10粒鐘時間 , 

玩得幾多得幾多啦 , 唔夠喉就第日再玩過 . (果陣唔知好快就係第日)

望出窗外 , 烈陽普照 , 天氣都唔錯 , 托賴托賴 .  ^^


再唔起身就曬到上床 , 可以當日光浴 , 不過冇帶太陽油喎 .


時間係 ~ A.M.7:29 ~ 順便講埋 , 今日並唔係酒店早餐 , 

而係去 黑門市場 , 如果有Blog友即將出門去果度既話 , 

唔駛咁早起身 , 果度D舖頭九點先至開檔 , 太早冇乜人氣 .

等到九點既話就熱鬧咯 , 正式係賣魚佬開檔 ~ 有腥氣 .  XD


梳洗過後執好所有野 , Check out 之後將個篋交俾佢寄存 ,

夠鐘先至返黎領取 , 再出機場 , 所以千祈唔好漏野 .


行出酒店轉個灣就見到呢座ビックカメラ , 

呢座野就犀利咯 , 淨係逐層行都有排玩 , 下周再黎時都有行佢 .


沿途見到部 日式消防車 .


一路都以為 黑門市場 距離酒店好遠下 , 原來好近架咋 .

如果熟路又行得快既話 , 唔駛三分鐘就到 .


前面係 無料休憩所 同埋洗手間 .


大部份舖頭都未開檔 , 影住開檔果D先 .


拖羅及其他壽司 , 可以堂食 .


就算放慢手腳黎行 , 去到都只係08:27 , 仲有半粒鐘 .


就連無料休憩所都咁準時 , 諗住黐佢 Free wifi 黎消磨時間都唔得 .


巨型八爪魚 , D裝飾都幾盞鬼 .  ^^


唯有繼續參觀其他舖頭先 , 估唔到佢地對 台灣民眾都幾關心喎 .


店舖及汽水機都有慰問標語 , 讚呀 .


呢個市場以十字型式橫跨幾條街 , 所以佔地都幾廣 , 而且出口亦多 .

無聊之下四個出口都行勻晒 .


不過都仲係有時間剩 , 咁就再行遠小小 .


經過 千日前線 既 日本橋駅 .


再一次經過尋晚果條大運河 .


好勁既 摩天輪 , 有機會都想一試 .


唔知 觀光船 幾多點至幾多點呢 ?


再行前小小 , 見到好多靚仔 .


Wow ~ 靚仔到呢 . haha ... 點解個個D髮型都係咁上下 ?


上面又有一張 .


隔離又有 , 難波 呢個地方掂呀 , 我會記住你 . Yeah !!


蟹道樂 .


女性客人 飲 & 食都係放題 ? 咁筍 . 


按摩店 .


唔知係咪 AV 逆ソープ天国 果類呢 ?


仲有美人添 , 請上二樓丫 , 24小時營業 .


按摩啫 ~ 唔駛露晒事業線掛 .  XD


參觀完畢 , 行番去 黑門市場 .


呢邊係大金鎗魚既裝飾 .


好吸引呀 .


大扇貝 , 勁呀 .


生果都有 , 認真唔簡單呀 .


更加唔簡單既係家品店都有 , 呢類舖頭就最好行 .


呢個 黑門市場 , 我返到黎 香港 之後冇耐 , 

杜如風 既 關西攻略 都有介紹佢 , 果陣睇番零舍親切 .

今晚睇住咁多先 , 聽晚先至幫襯佢 .

在家品店都買左D野 , 買左乜 ? 下篇話你知 .

Bye  Bye !



8 則留言:

  1. 哈哈,你話靚仔嗰啲係男公關(即係鴨),有時間不妨幫襯幫襯 XDDD

    回覆刪除
    回覆
    1. haha ... 叫鴨 ? 唔駛喇掛 , 多謝夾盛惠咯 . ^_^ !!

      刪除
    2. man wai 對d靚仔好有興趣喎XDD
      咁嗰間女仕飲食放題0yen又係乜東東呢?

      刪除
    3. 係人都對靚既野有興趣架啦 . ^^
      至於女仕飲食放題咯喎 , 真係考起 , 大阪我都係初黎報到咋 . XD

      刪除
    4. 嘻嘻, 小姐愛巨鵰不愛鴨仔 :D

      刪除
    5. 鴨仔既先決條件唔係需要有巨鵰咩 ? XXD

      刪除
    6. 嘻嘻, 加藤鷹都係靠上帝之手 :D

      刪除
    7. 佢好似退左休咯 ? 唔知後繼有冇人呢 ?

      刪除

歡迎光臨 , 如果時間許可 , 請留番個言丫 ~