2017北海道及和歌山11天自駕遊D7-10 白崎海洋公園篇

Hello !

上回講到到達 白崎海洋公園 , 跟住介紹埋部車 ...

呢篇正式參觀呢個 白崎海洋公園 , 上篇講過 , 呢個海洋公園 , 

並唔係有海豚 , 海獅果類水族館形式既海洋公園 , 

而係一個佈滿奇岩怪石既海岸 , 睇過佢個網頁簡介 , 

夏天黎既話 , 節目就豐富咯 , 包括有露營 , 潛水等活動 , 

好此道者既Blog友 , 可以考慮夏天黎睇睇 , 呢個係佢個網頁 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

返番黎呢度 , 介紹完部車之後 , 擺好D行李 , 四圍參觀 .

停車場位置 , 被岩石所包圍 .

用部車黎比較 , 個石陣都幾高 .

乜都冇既話 , 就咁爬上去 , 恐怕不易 . 

(唔駛驚 , 側面有條樓梯上)

講開又講 , 北海道岩石海岸都唔小 , 不過好似冇乜呢類白色岩 .

就算係 根室車石 果頭 , 亦都只係黑色火山岩 .

咦 ~ 有其他自駕遊旅客黎參觀 .

遠處果條就係上去既樓梯 , 攪掂埋呢度先過去 .

SHIRASAKI OCEAN PARK CLUB HOUSE .

呢度又一個停車場 .

2月份冇乜客 , 所以冇乜車停泊 .

過另一邊睇海 , 老規矩 ~ 先黎左邊 .

中間 .

右邊 ~ 點解會有條樓梯 ? 唔通潛水客在呢個位上岸 ?

野餐座位 , 大風時就要小心 .

講講下 ~ 行番過黎 , 一齊上去咯 .

深啡色部份立入禁止 .

講到好嚴重咁 .

齋睇好喇 , 唔好跳欄 .

上到黎 , 同岩石黎個近距離接觸 .

白雪雪咁 , 果然係非一般既岩石 .

呢個角度望到海景 .

前多小小 , 有個展望台 .

白崎海洋公園 , 展望案內圖 .

果然係展望台 , 呢度好景好多 . Yeah !!

加埋陽光 , 白者越白 .

對面果D乜野島呢 ? 上Google睇過 .

對面岸應該係 德島市 .

如果一直咁游過去 , 係 小松島市 & 阿南市 至真 .  XD

好大風呀 , 此地不而久留 , 參觀完就算 .

原路行番落去 .

呢度望落下面 , 都幾高喎 .

得幾部車 , 有排都未滿 , 夏天果陣會唔會泊滿呢 ?

我覺得呢度如果未黎過 , 都值得一黎架 .

下面就著陸 .

上番車 , 駛上小小 , 去埋個洗手間 .

跟住呢幾張上篇漏左 , 依家補飛 . 左邊倒後鏡 .

右邊倒後鏡 .

車頂燈 .

攪掂 ~ 走得 . 下一站係 : とれとれ市場 .

Bye Bye !