2017北海道及和歌山11天自駕遊D7-9 HONDA VEZEL 介紹篇

Hello !


上回講到參觀完 黑潮市場 , 跟住往下一站 ...

如果由上至下咁落 白浜 , 參觀既景點大家都係差唔多 ,

今次參觀既就係 : 白崎海洋公園 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

由 黑潮市場 去果度 , 需時約50分鐘 , 途中要經過高速公路 ,

路上完全冇雪 , 部車既性能可以完全發揮 , 好爽呀 .

另外今次冇租到ETC咭 , 上高速要鋪鋪清 .

呢張相應該係差唔多到達 , 沿住海邊路線黎行 .

經過一場火拼 , 終於到達 白崎海洋公園 ,

呢度雖然叫做 海洋公園 , 不過並唔係我地平時接觸果D ,

其實只係一個天然岩石海岸 , 地質有D似當年既 仏ヶ浦 .

參觀海岸之前 , 見到個停車場咁空曠 , 不如影番輯介紹篇 ,

如果在酒店停車場影 , 未必可以四角影齊 , 一於咁話啦 .

開始第一張 , 當然係車殼啦 , 先黎個正面 .

 側面 ~ 睇落好似雙門車 , 其實係四門架 .

打開晒D車門就係咁樣 .

後門掣安裝在側面 , 所以先至會有錯覺 , 呢樣要讚呀 .  ^^

右後側 .

左後側 .

車尾 .

左邊車頭燈 .

右邊車頭燈 .

左邊尾燈 .

VEZEL . 

(右邊車時牌果度 , 有個鏡頭仔 , 後波時用)

HYBRID , (雖然係混能車 , 力水一D都唔輸蝕)

右前轆 .

當時係二月頭 , 部車都裝左雪呔 , 呢度冇雪啫 , 

聽講 能登半島 果頭落暴雪 , 好彩更改左行程 , 轉左黎 和歌山 咋 .

轆面佈滿橫紋 , 雪呔就係咁樣分別 , (特別嗚謝 t先生教路)

BRIDGESTONE 車呔 .

打開車尾廂 .

幾個篋都冇問題 .

實際有幾闊 ? 咁就要度過先知喇 .

 

打橫闊度 , 由左至右 .

大約50寸 .

深度呢 ? 

由坐位至車尾 , 預佢31寸啦 .

最後係高度 .

大約34寸 .

即係咁樣 .

跟住到後座 .

左後排坐位 .

右後排坐位 . 

(坐兩個人好喇 , 否則中間果位唔多舒服)

介紹完後排 , 跟住係前排乘客位 .

通常都要黎擺野 .

倒後鏡 & Carcam .

ETC讀咭器 .

車頂鯊魚旗 , 應該係天線掛 ?

去番司機位 , D掣係較高矮果D .

呢個係較前後 .

油門 & Brake , 手掣唔係用腳踏果招 .

車頭蓋 & 入油蓋掣 .

地氈都印住 VEZEL , 型呀 .

呢排掣唔知乜野黎 , 都冇郁過佢 .

車窗控制 .

 手枕 .

掀起就係咁樣 .

前小小係放水樽位 .

波棍同Prius差唔多 . 又係按掣P波 .

呢個就係令我讚不絕口既手掣 , 只需輕輕向上拉 , 

就等於拉左手掣 , 同樣地按下就係鬆手掣 , 所謂 江山代有人才出 , 

呢個設計真係正到冇朋友 . 今次行程完全冇試過未鬆手掣就開車 .

踩住個Brake + 按掣就係撻車 .

由於係混能車 , 一D都唔嘈之餘 , 正式係靜如深海 .

GPS版面 .

好似唔記得影軑盤同埋撻車按掣 , 失敗 !

算啦 ~ 基本上都介紹得好詳細 , 順便加多個賽後報告 .

我覺得呢部 HONDA VEZEL , 絕對唔會輸蝕比 TOYOTA MARK X ,

只不過後者名氣大好多 , VEZEL 既馬力同埋舒適度都好掂 ,

再加上可以盡情駕駛 , 所以俾到我好大滿足感 .

只有一樣唔知係咪缺點既缺點 , 就係個Brake實在太靈敏 , 直至到還車果日 ,

我都仲未完全掌握得到 , 有時稍為急小小之下一踩落去 ,

即刻就Chok一Chok , 好彩冇乘客 , 否則一定會投訴 .  XD

可能係自己手車未到家 , 不過MARK X  又唔會有呢個情況出現 .

點都好 ~ 我對呢部 VEZEL既評價好高 , 讚呀 !!

Bye Bye !