2010/09/23

2010北海道10天自駕遊(修訂版)D5-10完(乙部光林莊篇)




Hello !


上回講到參觀完 "風車山" 與及 "道の駅" 江差 之後 , 

都係時候往酒店 Check in , 今次呢間酒店 , 同之前果D完全唔同睇法 , 

首先就係呢度得兩層樓高 , 我就住地下 , 呢樣都係小意思 ,

最大分別就係呢度既房間係冇 "洗手間" , 若然要解決既話 , 

只可以用出面既公眾 "洗手間" 攪掂 , 沖涼洗頭就溫泉果邊 , 

至於擦牙洗面則要嚮出面一排過既水龍頭度齊齊開心 .

認真夠晒 "宿營" Feel , 我都係第一次試呢味野 . 

至於點解租住呢間呢 ? 皆因呢區得三間酒店揀 , 兩間唔做單身客 , 

淨得落黎即係冇得揀 , 一晚半晚就冇乜所謂 , 晚晚都係咁就認真唔掂呀 .

由 "江差" 去 "乙部" , 好近架咋 , 一陣就到 .


黎張全景 , 真係得兩層 .


認住佢個招牌 , "乙部光林莊" .


拎齊野入去 Check in .


櫃檯對面有個鞋櫃 , 對鞋要放在裡面 .


攪掂晒D手續就可以上房 , D房唔係用號碼 , 

係用名稱黎叫 , "桂の間" 歡迎光臨 !


門口成間武館咁 , 幾有特式 ! 


兩間洗手間 , 男右女左 , 就在間房隔離再隔離 .


斜對面就係一排過既水龍頭 , 十個八個一齊擦牙都得 , 

不過冇咁邪 , 同一時間用掛 .


不過若然同其他人一齊梳洗 , 都幾特別 .


休息一陣就食飯 , 咁高興 , 一於啤啤佢啦 , 黎到咁多日 , 

第一次飲啤酒咋 , 點解呢 ? 其實係佢冇問 , 如果自己叫支啤酒 ,

俾人既感覺好似好爛飲咁 , 今次佢問到 , 咪要番支囉 , 

磨到聽日 , 乜野酒氣都散晒啦 , 唔會構成醉駕既 .


三色刺身 , 正 !


長腳蟹 , 份量小小 .


唔知乜野鍋 ? 不過幾好味 .


白飯任裝 ~ 

唔講唔知 , 呢一餐食得我好高興 , 點解呢 ?

皆因佢牆上有部 LCD TV , 同其他旅客一齊電視送飯 ,

果陣播緊新聞 , 雖然唔識聽 , 不過感覺熱熱鬧鬧 , 

有別於一般旅館餐廳得個食字 , 夠晒風味 .


食完飯返房 , 已經鋪好張床 , 又係時候介紹間房 .


先黎個全景圖 .


一個人住 , 夠晒有突 .


一晚半晚 , 冇洗手間都冇所謂啦 , 

我鍾意上面果盞燈 , 用繩拉開關 , 好過癮呀 .


鎖匙一支 , 桂の間 .


諗住睇完電視就去浸溫泉 , 四圍轉台睇睇 , 

轉到去 "曼聯 vs 史篤城 , 雖然唔係直播 , 不過點都要睇埋先去浸 .


下半場 0 : 4


"曼聯" 大勝4球 , 不過都冇用 , 因為 "車仔" 都贏 .


"車仔" 86分 , "曼聯" 85分 , 僅僅影相贏 .  ^^


唔駛愁喎 , 下季再努力過啦 .


睇完之後就去浸溫泉 , 浸完零舍舒服 .

Bye Bye !

第五日完 . 

沒有留言:

發佈留言

歡迎光臨 , 如果時間許可 , 請留番個言丫 ~