2010北海道10天自駕遊(修訂版)D5-2白神岬篇A

Hello !

上回講到離開 "函館" , 在228國道駕駛途中 .

經過一個 "道の駅" 既休息站 , 叫做 : しりうち

見到呢D站 , 通常唔理佢乜頭乜路 , 總之就入去先講 , 

就算佢淨得個 "洗手間 "都寧可有殺錯 .

擺好部車先 , 擺得麻麻地喎 , 算啦 ! hea 一陣就走 .

道の駅 しりうち , 入去睇睇咯 .

除洗手間之外 , 仲有D農產品售賣 .

黑蚊蚊咁 , 唔通係 "昆布" ?

仲有其他野 , 不過唔知乜野黎 ?

不過都只係簡單野 , 同D大休息站冇得比 .

蓋印處 . (咦 ! 呢度都有 "網走監獄" 既宣傳章程)

睇完裡面睇出面 , 外面有條鐵路 .

果陣係 A.M.10:45 , 記得開車係 A.M.9:00左右 ,  

即係開了接近兩個小時 , 唔怪得要抖抖啦 .

之前有冇講過 ? 有D隧道燈光真係好唔掂 , 一定要開燈 .

再行多一陣 , 終於到達第一個景點 , 

繼 "地球岬" ~ "立待岬" 之後 , 本來應該係 "汐首岬" , 

不過當日時間不足 , 所以錯失了 . 

講番呢個 "白神岬" 就大有來頭 , 佢係全個 "北海道" 最南端 , 

而 "汐首岬" 就係最近 "本州" 果端 , 

最近就唔代表最南 , 有分別架 .

講起呢度就話題多 , 首先呢度係 "北海道" 最南 , 

咁最北果度 , 就莫過於 "稚內" 既 "宗谷岬" ,  

而最東既就係位於 "知床" 地帶既 "納沙布岬" , 

最西既就係聽日都會經過既 "尾花岬" , 不過果度冇路可去 , 

縱然係當地人都尚且難以到達 , 何況我呢個遊客呢 , 

更加只能 "望門輕嘆" .

東經140.12 ~~ 北緯41.23

本來諗住求其放幾張相上黎交差就算 .

不過既然咁難得黎到呢度 , 一於將全部相片傾巢而出 .

距離對面 "龍飛岬" 只係192M , 勁呀 .

果陣天氣依然麻麻 .

如果落雨就冇咁好玩咯 .

D海浪聲好好聽 .  ^^

加埋D海鷗 , 真係好有詩意 .

依家講番當日發生乜野事 , 可以嚇到我面青 .

話說當日到步後 , 擺好部車準備落車之際 , 一打開車門 , 

冷不防果度原來勁大風 , (平時車窗閂晒所以唔多覺)

個車門俾勁風一吹 , 開到最盡 , 果一刻雖然只得一秒鐘 ,

不過個心真係寒一寒 , 萬一真係吹甩個車門 , 

咁就真係大鑊飯 , 唔知點賠之外 , 打後既行程點算好 ?

平時睇西片 , D車門俾人一撞就甩 , 究竟車門可以承受幾大風力 ,

真係考起 ? 不過大家睇相唔多覺 , 現場大風到真係得人驚 ,

強如我都要運足 "千斤墜" 對腳度先可以釘緊地上 ,

否則真係吹到碌地沙都有份 , 所以呢批相非常珍貴 , 

最後決定無保留咁登晒出黎 , 可能有D重覆 , 有D無無謂謂 .

嚮度呼籲各位Blog友 , 如果有心去呢度參觀 , 

落車時記得捉緊車門 , 否則嚇一驚就唔係咁好啦 .

仲有 : 今次既大風 , 令我打後有兩個景點 Miss左 , 

真係多得佢唔小 , 究竟係睇季節 , 還是一年四季都咁大風既呢 ?

半邊式隧道 , 之後既車程經常見到 .

岸邊風景都唔錯 , 見唔見到對面 "龍飛岬" 呀 ?

我就見唔到 .

話就話192M , 點知都睇唔到既 , 既然睇唔到 , 唯有親身到啦 .

既然咁高興 , 一於搵埋部車黎做Model .

好搶鏡呀 .

如果坐巴士既話 , 真係唔知點樣黎呢度 ?

只可以再講多次 .

我愛自駕遊 , Yeah !

Bye Bye !