Hello !
上回講到食完個早餐 , 執齊野Check out ,
第一個目的地就係 "函館駅" ,順路之餘 , 仲貪佢有半小時免費停車場 ,
可以埋補給物資兼去洗手間咁啦 .
不過中途忍唔住手落車影相 .
原來有個海灘嚮度 , 中間果D係海鷗 ,
再配合埋D海浪聲 , 好正架 .
踏入第五日 , 行了430.4公里 , 尋日入油 ,
用咁小小 , 往後仲有連場大戰 , 仲要入多次 .
講番今日行程 , 離開 "函館" 後 , 大部份人都會原來原去 ,
一係就去 "洞爺" , 一係就去 "二世古" , 不過今次話明係沿海觀光之旅 ,
所以就沿住228國道海邊咁行 .
差唔多到 "函館駅" , 又見到 "叮叮" .
停車場30分鐘內利用無料 , 認真識做 . ^^
大把位任泊 , 泊邊個位好呢 ?
就呢度啦 , 可以見到個 "函館駅" .
汽水機收 "Kitaca" 同埋 "Suica" 咭 ,
一於用晒上次既餘額黎入貨 .
有間書店 , 買番本 "東北" 書黎參考都好喎 .
除旅遊書外 , 仲有好多其他書籍 .
八卦雜誌又點小得 .
連 "三國誌" 都有 , 勁 !
最後係 "函館" 呢度既旅遊書 .
行番出黎取車 , 經過外面 , 攪咩野呀 , 拍 "監獄風雲" 咩 ?
非也 , 原來係學校春季大旅行 . (駛唔駛咁樣黎集隊呀?)
半小時內攪掂 , 無料 , 入飛就開閘 .
"函館駅" , Bye Bye 喇 , 搵日再黎探你 .
講番呢個 GPS , 發明佢果位仁兄 ,
應該頒個 "諾貝爾" 發明獎過佢呀 , 冇佢既話 ,
根本就冇可能有今次既 "北海道自駕遊" , 真係要錫晒佢呀 ,
就好似呢度咁 , 顯示左手邊有間7仔便利店 .
向左邊望 , 真係有間7仔呀 , 夠晒Update ,
如果在 "香港" , D鋪頭開張 & 執笠都快過打針 ,
會唔會跟得咁緊呢 ?
前面就係 "松前" & "木古內" .
呢一邊既 "北海道" , 唔好話跟團既唔會到 ,
就連自由行都唔多見 , 在網上搵料都有一定難度 ,
想睇人地既口碑都唔得 , 不過唔緊要啦 ,
一於就由我黎做 "開荒牛" , 睇完打後既行程 ,
話唔定 "東X遊" & "縱X遊" 都會編排入行程裡面 . ^_^ !!
由於呢邊全線都係沿海 , 一路上有3樣野多 ,
第一 : 海灘與石灘多 , 第二 : 漁村多 , 第三 : 海邊怪石嶙峋多 .
電單車暴走族 ?
經過7仔 , 入番D貨先 . (一路都天陰陰 , 真係驚落雨)
100Yen一包 , 用黎餵海鷗都唔錯 .
落車鬆一鬆腳 , 又要起程 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~