Hello !
上回講到參觀完 "三本杉岩" 之後離開 ,
依然係沿住 229國道北上 , 約莫 40分鐘左右 ,
又到另一個 "道の駅" , 叫做 : よってけ！島牧
當然要落車參觀啦 , 順便可以伸伸腳嘛 .
擺好部車先 , 又係大把位任你泊 . ^^
よってけ！島牧
幾大間喎 , 入去睇睇 .
除商店及食堂之外 , 仲係一個觀光案內中心 .
酒類都有 , 不過開車前咪飲 .
好多周邊觀光資料 , 其實呢度有好多遊點 ,
不過我今次只屬過境性質 , 如果有機會再黎 , 一定探過究竟 .
出番黎睇睇個地圖 , 好簡單 , 一座建議物加個停車場 .
黎張全景地圖 .
對面有部運木材車泊嚮度 .
令我諗起電影 "死神來了2" , 開場果Part .
認真大吉利是 , 都係走先 .
走到冇雷公咁遠先至敢停低影相 .
冇追黎喇掛 , haha ...
以防萬一 , 都係唔落車 , 坐車度影算數 .
又係一個石灘 .
沿住海邊黎行 , 到處都係石灘 .
今次多番D水 , 唔通潮脹 ?
行多15分鐘 , 到達另一個景點 "狩場茂津多道立自然公園" .
呢度叫做 : "弁慶岬" , 經過上次 "白神岬" 既經驗 ,
今次開車門都要小心翼翼 , 果然D風都好勁 ,
不過就冇果度咁離譜 , 果度大風既程度 , 簡直係黐線架 .
有個石像企嚮度 , 有石像即係有典故 , 究竟有乜野故事 ?
面向陸地 , 背向大海 .
故事原來收在石像後面 , 駛唔駛咁隱晦呀 .
雖然日文漢字都唔小 , 不過都唔易理解 .
等我嘗試用中文字串埋黎解讀 : 話說文治五年果陣 ,
有位叫 "義經" 既人 , 從 奧州 ~ 衣川 (岩手縣果頭) 經
輕津(青森縣果頭)逃難黎到呢度 , 同當地人一齊生活 ,
後黎果位 "義經" 再招兵買馬等待 , 每日都在呢度望住個海 ,
之後果D好難解讀呀 .
(如果有人識既話 , 不如話俾我知真正解釋)
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~