Hello !
上回講到去 "神仙沼" 期間發現封路 ,
冇辦法之下 , 唯有去第二度啦 .
由GPS帶領之下 , 轉入5號國道" 經過 "俱知安駅" 再直落
"二世古道の駅" 果頭 . 由於要追番D時間 , 所以車速稍為加快 ,
沿途都冇時間影相 , 直至到出市區先至稍為喘定 .
由山路出番市區 , 距離 "二世古" 仲有15km .
好快就到達 "ニセコ道の駅" .
時間係P.M.3:45 , 好彩頭先食定野打底 .
擺好部車再四圍參觀 .
"牛奶工房" 呢度都有分店 ? 聽日會去總部參觀 .
睇睇個地圖 .
呢張全程地圖 , 以 "羊蹄山" 為中心點 , 展示周邊有D乜 .
裡面係購物 & 旅遊案內中心 .
蓋章處 .
一場黎到 , 點都要整番支牛奶既 , 盛惠350Yen .
先飲為敬 ...
點知酸既 , 同期望好大出入喎 , 唔係過期呀嘛 ?
根據Blog友報料 , 呢支係乳酪 , 並非鮮奶 ,
唔怪得啦 , 只怪自己唔識日文 . XD
乳酪就乳酪啦 , 雖然唔係太鍾意飲酸野 .
攪掂呢Part , 即刻去 "二世古駅" , 今次揀50音黎輸入 .
老規矩 , 按下 はい
ニセコえき
就揀第一行 .
Loading一陣就出黎 .
幾分鐘車程 , 唔駛揀路啦 , 案內開始 .
Let's Go !
大約6分鐘就到 .
車站旁邊有免費停車場 , 咁至係架嘛 .
呢條黃色既橋 , 一陣會經過佢 .
二世古駅 , 好一個充滿歐洲色彩既車站 .
一於黎個近距離接觸 .
呢度買車飛 .
有兩個學生在等車 , 叫做有番D人氣啦 .
呢個屬於開放式車站 .
即係可以出去影相 . ^^
出番去出面 , 對面就係 "綺羅乃湯" .
係一個SPA黎架 .
一陣酒店都有溫泉浸 .
所以影幾張相算數 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~