Hello !
上回講到在 "二世古大湯沼" 果度影相 ,
仲有幾張相未登 , 今次攪掂埋佢 ,
呢度地方可以分為兩個世界 , 大沼果邊就煙霧瀰漫 .
攪到張相都好似光線不足咁 .
另一邊則小橋流水 , 天清氣朗 .
可謂兩個截然不同既世界 , 只不過係分隔些小 .
影埋呢張都晒皮 , 係時候鬆人 .
就在呢個時候 , 終於都有其他人黎 ,
我上返黎果陣 , 佢問我係咪呢個位落去 ,
(當時果度鋪滿雪 , 唔見條路)
我話係呀 , 不過好跣架 , 因住跌親呀 .
佢問我邊度黎 ? 我話 "香港" .
佢再問係咪一個人黎 ? 我答係呀 , 自己一個人自駕遊 .
佢話 : すごい
我答 : 過得去咁啦 . haha ...
跟住就同佢講 Bye Bye !
( 就係中間燈色外套果位 "大叔" )
中途咪有好多相在路上影既 , 有D係駕駛中影 ,
有D係停低部車黎影 , 果度咁鬼小車 ,
只要望倒後鏡確定冇車從後面上黎 ,
就算停在馬路中心影相 , 都唔會阻到人地 .
當然唔好停得太耐啦 , 好似咁樣 , 快快手影幾張相 ,
唔駛咁危險嘛 , 正式係 " Snap Shot " 呀 . ^^
落山向酒店果度行 , 幾分鐘就到 .
見到呢度差唔多 , 轉埋個灣上斜 , 最頂就係 .
一條路行晒 .
停車場就在酒店對面 . (搵個有利位置泊車)
記得鎖好車 , 拎齊野行去對面就係酒店 ,
咦 ~ 得三幾層樓高 , 唔算好多客房喎 .
甘露之森 , 其實呢間酒店在D1~8已經簡單介紹過 .
攪掂好入住手續之後 , 上房左睇右睇 ,
好快就到晚餐時間 , 菜單一張 .
咁高興 , 梗係要啤一啤佢 , 唔飲點對得住鍋牛肉 .
呢餐好似擺酒咁 , 每樣食晒先上另一樣 .
食完都唔知乜野黎 ?
牛肉鍋 , 飲勝 .
熟晒 , 食得 ~ 請起筷 .
再黎 , 呢碟好有西餐Feel .
繼續 , 唔好俾佢停 .
乜碗飯咁細架 , 有冇得加飯 ? haha ...
呢個甜品 , 正到爆 ~ 我好欣賞 .
一茶一水 , 消消濟先 .
當然唔小得咖啡啦 .
睇睇四周圍 , 又係包場黎食 .
幾個人招呼我一個 .
攪到我有D唔好意思 . XD
食完行出去 , 有人唱Live喎 , 橫掂未浸得溫泉 ,
聽歌都唔錯喎 , 幾有職業水準架 .
睇多一陣 , 休息夠就可以去浸溫泉 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~