Hello !
上回講到到達 "道の駅" いわない
當時已經係下午兩點幾鐘 , 連午餐都未食 ,
所以落車入去睇睇有乜野可以放得落肚裡面 .
做唔做太空人呀 ? haha ...
手信部 , 有冇心水 ?
另外有部電腦 , 不過頭先經已上網 , 暫時都唔駛住 .
蓋章處 .
在裡面買樽水 & 芝麻餅 , 佢地話係 "岩內町" 既土產喎 .
(不過原來好難食 , 正式係好睇唔好食 , 遲D用黎餵海鷗)
把幾火 , 都係過去 "7仔" 度 , 選擇多好多 . ^^
小岩井紅茶 , 蛋糕仔 & 麵包 , 即場開餐 .
轉個頭向九點鐘方位望 , 有兩部警車泊嚮度 .
食完過去影警車都好喎 .
好有型既呢 .
呢部夠晒小巧 .
咦 , 有隻狗綁嚮度 , 唔通係警犬 ?
又唔似丫 , 都唔夠凶猛 , 行緊過黎喎 , 同佢玩陣先 .
同佢玩緊之際 , 忽然有個警察走出黎 , 講一堆日文 ,
雖然唔知佢講乜 ? 不過憑佢既眼神及態度 , 我估佢以為我係狗主 ,
想黎認領番佢 , 咁我唯有話唔係呀 , 但係又唔知日文點講 ?
就用最簡單果隻 , 就咁講 りょこう (即係旅行咁既意思)
而佢見我唔識日文 , 又拎住相機旅行袋 , 亦都醒水 .
玩夠就同佢地講 Bye Bye !
(如果係貓既話 , 直情唔捨得走 ^_< !! )
睇睇個地圖 , 再上就係 "積丹半島" , 呢度遲D先去 ,
依家去 "二世古" 果頭 .
不過入油先 , 入滿丫 ~ 唔該 !
幫手抹窗 , 幾好招呼喎 , 讚呀 !
望鏡頭 1 ~ 2 ~ 3 笑 (幾有鏡頭觸覺喎)
笑容夠晒燦爛 , 我鍾意 , 呢D先至叫服務態度嘛 .
第二次入油 , 盛惠 3700Yen , 埋單後繼續行程 ,
本來諗住由 "道道66" 既山路 , 經過九曲十三灣 ,
去第一站 "神仙沼" , 不過 ...
果度封路 , 其實出發前都收到風 , 話 "神仙沼" 果段路 ,
6-10 月先至開張 , 而GPS亦有顯示該段路會封閉 ,
不過諗住有奇跡出現 , 點知冇出現到 ,
唯有放棄呢個行程 , 去下一站啦 .
不過一場黎到 , 點都影番幾張相先走啦 ,
呢度幾好環境 , 古木參天 , 夠晒清幽 .
搵埋部車做Model , 黎多張 .
之前有冇講過 ? 話我好鍾意呢款車 ,
他朝再次自駕遊既話 , 我盡可能都會租佢 . (雪地除外)
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~