2010/11/15

2010北海道10天自駕遊(修訂版)D8-2再一次Axio介紹篇




Hello !


上回講到食完個早餐之後 , 上房執野 Check out .

臨走前再影多幾張相 , 石碑一塊 , 就在對面馬路 .


部車就擺門口隔離 , 不設劃位 , 見位就泊得 ,

尋晚擺滿晒車 , 依家走晒咯 .


呢部叫做 : Isis .


屬於7人車 , 適合一家大細 , 同 "Wish" 睇齊 , 

如果再高級D , 就要 "Noah" , 仲有 "Estima" 同埋 "Alphard" .

不過真係好鬼死貴囉 .


都係呢味 "Axio" , 適合我呢種獨行俠 .


尋晚洗完部車 , 今日一時興起 , 搵佢黎影番輯相都好喎 .


洗完車再加多場雨 , 部車好似新既一樣 ,

話時話 , 今次全程既車位 , 都係擺露天位 , (今晚 "京王" 除外)  

見過 "Blog友" 落雪時出門 , 早上發現部車鋪滿雪 , 

真係剷雪都剷到手軟 , 所以今次特登揀 5月天先至黎 .


呢篇主題 , 全部圍繞住呢部 "Axio" , 一齊黎參觀 .


好小影乘客位 , 有時我都想坐乘客位等人攪掂 , 

車輪戰 , 可以叉叉電 , 不過人就係咁 , 自己果陣就想多人 ,

多人果陣又想得一個人 , 我都幾難服侍架 . haha ...


輪到前面司機位 .


相處多日 , 基本上絕大部份掣都知道點用 .


GPS 未撻車 , 冇畫面住 .


9成9既時間都係用D波 , 其他S及B都絕小用得到 .


裡面都幾新淨 .


如果有Blog友想自駕遊 , 租邊款車方面舉棋不定 ,

我誠意推薦呢款 Axio .


雖然我未租過其他車款 , 不過呢部車既 "突爆能力" 及

"煞掣" 與 "咬地功能" , 我絕對滿意 .


有時在 "康莊大道" , 前面有部慢車頂住 , 真係火都黎埋 , 

雖知時間就係金錢 , 不過都唔係最重點 , 而係如果你姑息養奸 , 

跟住部慢車 , 萬一後面既車好趕時間 , 爬起頭上黎 , 就要連過兩部車 , 

大大咁增加佢既風險 , 倘若有乜差池 , 更加係我雖不殺伯仁 , 

伯仁為我而死 . 因此唔係想唔想爬佢頭 , 而係非殺不可 .

而佢既突爆能力 , 絕對可以大派用場 , 仲有煞車系統 , 呢樣之前講過 . 

至於咬地能力 , 早排落雨天同埋 "白神岬" 勁大風 , 

仲有在IC最高時速開到140km都唔覺有飄移跡象 , 

所以都無謂慳小小錢 , 一於租 Axio"啦 . Yeah !


況且個款都幾有型 , 叫做唔打得都睇得 .  ^^


就咁貼呢張野就得 ? 唔似得 "香港" 要貼行車証 .


經過連場大戰 , 已經行了1055.1公里 .


差唔多A.M.9:00 , 都要出發 .


第一站去邊呢 ?


就係 "小樽水族館" , 呢度本來上年應該解決 .

不過年頭歇冬 , 所以今日攪掂佢 , 果然冇令我失望 .


Bye Bye !

P.S.: 仲有 , 呢個就係租車價錢 , 9日價錢 63788Yen ,

話平唔算平 , 話貴又唔算貴咁啦 .

2 則留言:

  1. 回覆
    1. 冇辦法啦 , 用速度換時間 . XD
      一直以黎我都覺得高速公路冇限速 ,
      但原來唔係架 , 多得 Blog友 コーさん 提供 ,
      高速公路都有上限 , 自己小心D啦 . ^^

      刪除

歡迎光臨 , 如果時間許可 , 請留番個言丫 ~