Hello !
上回講到在 "海獸公園" 參觀 , 呢篇繼續 .
呢邊有表演呀 , 即刻霸頭位睇先 . ^^
開飯喇喂 , 呢D "龐然巨物" , 究竟每日要食幾多野至夠呢 ?
食完都係時候做番D野 , Wow , 勁喎 .
睇完去番頭先100Yen釣魚果邊 ,
好多小朋友幫襯 , 叫做有番D人氣咁啦 .
釣到 , Yeah !
呢邊又掂 , 係咪咁易釣呀 ? 不過見佢地都係放番落水 ,
唔似得 "函館朝市" 果度 , 即做 "刺身" 喎 .
情侶檔又點睇呢 ?
輪到玩野既時間 , 買兜魚仔黎餵動物 ,
分三種價錢 , 我揀中間 500Yen果味 .
都有10零條貨仔 .
不過餵佢地都唔容易 , 因為當你夾起條魚仔果陣 ,
四方八面既海鷗都會黎搶食 , 一不留神就俾佢搶走 ,
要保護手中夾起果條魚仔之外 , 仲要保護埋地下個桶 ,
俾佢飛埋黎會擔走晒D魚仔 , 所以冇時間影相 . XD
好快就餵晒 , 再四圍參觀多一陣 ,
就上番落黎果度 , 同 "海獸公園" 講聲 Bye Bye !
當然唔小得行 "紀念品" 部啦 .
搵番D動物黎做公仔 , 好Cute既呢 .
仲有鎖匙扣 , 最適合做手信 .
再行多一次個 "魚缸" , 究竟呢條係咪 "三文魚" 呢 ?
呢條充滿 "Discovery Channel" 深海魚 Feel .
由買飛果度出番去 , 過去機動遊戲果邊 .
上面係酒店 , 當日都諗過入住 ,
不過佢唔做單身客兼唔平 , 所以不得不打消呢個念頭 .
停車場對面既大空地 , 好多機動遊戲 ,
連我既至愛 "摩天輪" 都有 . (不過係迷你版)
如果想坐及玩其他既話 , 呢度買飛 .
可能當日係閒日 . (星期五)
所以都冇乜遊客玩 .
大部份遊戲郁都唔郁 .
都幾慘淡經營 . >_< !!
得個火車叫做有人坐 .
叮 ~ 叮~ 叮 ~ 繞場一周 !
至於我一把年紀 , 更加冇理由幫襯佢 . ^^
旋轉木馬 , 可唔可以拾回童年回憶呢 ?
海盜船 , 唔係幾夠高喎 .
參觀完畢 , 取車時經過見到有部 Ractis 泊在後面 .
呢款車都好多人租 .
外形都唔差 .
終於攪掂晒 "小樽水族館" 呢Part , 了卻一年黎既心願 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~