Hello !
第2日 ~ 2011年1月27日 . 星期四
上回講到睇完車之後返回酒店 ,
因為要早起身 , 所以hea多一陣就休息 .
今日先叫做真正行程 , 所以依家非常之懷念凌晨轉機 ,
一去到就即刻開始 , 慳番好多時間 . ^_^ !!
當日 A.M.:7:00 起身 , 室內溫度23.5相對濕度百份之47 ,
市區酒店基本上唔可以開窗 , 所以都幾焗 ,
之後自己Book果D可以打開窗 , 舒服好多 .
尋晚窗外漆黑一片 , 今朝望出去 , 冇乜景觀喎 .
算啦 ~ 食完個早餐都鬆人咯 .
早餐券 A.M.:6:30 - A.M.:10:00
呢張就係Key咭 , 坐電梯要靠佢拍咭 ,
(好似八達通咁) 拍完咭先可以按所屬既樓層 .
搭電梯落去 .
早餐得一個地方 , 就係地下既 KURAGAKOI 蔵囲 .
今次呢間酒店早餐 , 唔似得上次 , 冇乜人任你影 ,
經常都成大棚人揀緊 , 又冇乜時間等 , 所以得一張咁大把 ,
不過果度勁多港人 , 大家仲熟過我啦 . ^^
日式唔係唔好 , 不過始終都係西式正D .
拿淋食完上房執行李 Check out , 大堂在 7/F .
如果冇用其他服務既話 , 自助 Check out 都得 ,
不過我入咭果陣冇料到 , 都係要由人手攪掂 .
攪掂過隔離電腦房睇睇 , 終於都冇人用緊 ,
不過我都冇時間用 . (否則又點會冇人用丫)
拎齊野去租車舖 , "京王酒店" 地庫 . 都要行幾個街口 .
A.M.8:00 就到 , 勁準時呀 ! (佢都未開舖)
等了一陣佢就開舖 , 立即拎出果 "四寶" 俾佢 , 邊 "四寶" ?
之唔係 : 護照 ~ 國際牌 ~ 信用咭 ~ 預約紙囉 .
由於講解時都佔了唔小時間 , 所以冇時間影相 ,
今次里數唔同上次由零開始 , 係由 17577 開始 .
呢度係咪好熟呢 ? ESTA 10/F "拉麵共和國" 嘛 .
經過 "札幌鐵塔" , 老老實實 , 起初坐上司機位都唔係好習慣 ,
畢竟丟低9個月冇開過車 , 仲要地面有雪 , 好彩好快就熟習 .
個多小時後 , 在高速公路休息站停一停 ,
呢個休息站叫做 "砂川" .
唔講唔知 , 今次既泊位技術又升呢 ,
已經無懼任何位置 , 照泊可也 , 勁呀 !
砂川SA , 係咁咦參觀兼去埋個洗手間 .
都好多野賣架 , 白之戀人就更加唔小得啦 .
攪掂再出發 , "士別劍淵" IC出口 , 記得入ETC出口呀 ,
不過見佢個板寫 4400Yen -500Yen , 仲以為係3900Yen添 ,
最後原來係收 500Yen , 嚇死人咩 . >_< !!
離開高速公路之後繼續出發 , 遇到呢D車 ,
最好都係早走早著 . (總之係大車就唔好黐咁埋)
130M後轉左 , 呢款GPS唔同上次果款 ,
(我覺得上次果款好用D) , 遲D再詳細介紹點用 .
趁紅燈影番張相先 , 之後仲有好多燈位相 .
再多兩個半小時車 , 終於都達第一個景點 , 士別市 , 羊と雲の丘 .
呢張相大家見過啦 , 就係在呢度影 .
唔記得講埋 , 當日我 Book 車時想要白色車 , 點知去到俾部銀色車我 ,
原來係用心良苦 , 皆因呢D雪地 , 行冇耐就污糟辣撻晒 .
若然係白色車 , 肯定慘不忍睹 .
所以派部銀色車係正確 , 不過如果係黑色車就更正 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~