Hello !
上回講到在 "道の駅" 休息 , 之後繼續北上 ,
不過中途有個叫做 : "拔海港" 既地方要參觀 ,
睇網頁介紹 , 果度係一個類似碼頭既地方 ,
有好多野生海豹在石堆度上休息 , 好正架 !
中途經過一個風車陣 .
再行前D就係 "北緯45度通過點" .
東經 ~ 北緯 , 充滿天文台報導颱風 Feel .
跟住好大段長直路 , 仲要係冇乜雪 , 一於踩到盡 .
(大約90km左右啦 , 始終都要留番一手)
當時係P.M.3:00 , 開始有日落之勢 .
相傳去 "道東" 果頭 , 一定會遇到狐狸 .
我都唔例外 , 不過估唔到呢度就遇到 , 之後仲有機會見到 .
(由於停部車在路中心影相 , 所以都冇時間用zoom鏡)
俾後面D草掩護住 , 睇得唔係好清楚 .
終於到達 "拔海港" , 不過乜都冇喎 . Why ?
只係一個普通過普通既碼頭 , 完全唔見海豹既蹤影 .
好彩遲D在 "紋別海豹公園" 度睇餐飽 .
仲可以摸埋 , D皮好滑 , 勁過癮 .
唯有當係欣賞黃昏啦 , 不過都唔好欣賞咁耐 , 皆因又要出發 .
再上經過一個叫 "童夢" 既地方 , 資料話有溫泉浸 .
上面就係 , 不過唔入去咯 , 經過就算 .
雖然能見度仲係好高 , 不過以防萬一 , 都係開番盞細燈 .
P.M.5:00 到達 "惠山泊漁港" .
其實咪即係 "野寒布岬" .
拿淋影兩張就鬆人 , 因為真係好鬼凍兼就黎入黑 .
不過個黃昏景色好靚 .
只可惜我既影相功夫未到家 , 加上以快為主 ,
所以未能將G10既功能完全發揮 .
呢張較光小小 .
黎多兩張就 Bye Bye .
"寒流水族館" , 不過收晒工咯 .
黎多張全景 .
攪掂上車去酒店 , 呢張個天係咪黑晒呢 ,
其實只係相隔17分鐘 , 認真黑得快 . >_< !!
(前面係 "防坡堤" , 不過影到衰衰咁 , 唔緊要 , 遲D再黎影餐飽)
今日第一日出車 , 行了394公里 , 已經用一半油 ,
呢程車由朝開到晚 , 認真唔簡單呀 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~