Hello !
上回講到取車後一直北上 , 一直踩到第一個景點 ,
叫做 : 羊と雲の丘 , 一齊入去參觀咯 .
街坊價 , 大人200Yen入場費 .
呢度買入場券 , 再交飛俾職員就可以入場 .
大家有定個心理準備 , 裡面好大陣動物除 .
話明係 "世界のめん羊館" , 當然有齊世界各地羊代表 .
首先係 "澳洲" 代表 , 請鼓掌 !
好得意呀 , D毛厚厚咁 .
懶洋洋 . ^_^ !!
摸過佢地D毛 , 真係好暖架 .
圓碌碌 , 成個波咁 , 超爆笑 . haha ...
有D成個頭黑色 , 咁都得 ?
白羊座穆先生 ?
咩 ... 恭喜發財 .
有部飼料機 , 可以買D飼料餵佢地 .
100Yen一盒 , 成副啤牌咁款 . XD
喂 ~ 開餐喇 . (瀨到我成隻手濕晒咁滯) =_= !!
食完之後參觀多一陣就鬆人 , 皆因仲有排行 ,
呢度距離 "稚內" , 仲有相當車程 .
外面鋪滿白雪 , 夏天應該會多D節目 ,
睇過佢網頁介紹 , 好似有剪羊毛Show , 正呀 !
繼續起程 , 向 "稚內" 進發 ,
不過遇到呢D白雪路真係要小心D .
出番大街 , D雪唔算太厚 .
之後去到一個 "道の駅" てしお 休息 ,
順手食埋午餐 , (基本上只係小食)
本來之前應該有一個景點 , 叫做 : 聖誕老人馴鹿場 ,
但係恐防唔多夠時間所以放棄 , 好彩冇去咋 ,
過幾日去到 "知床" , D鹿多到睇唔晒咁滯 , 仲免費添 . ^^
著晒軍服 , 唔通係 "日本國防自衛隊" ?
當時經已係 P.M.1:30 過晒午餐時間 ,
不過自駕遊午餐一向都冇啖好食 , 求其整串雞肉 & 水一支 ,
串雞肉食了兩件先記得影相 , 幾好味架 .
睇睇部車 , 幾粒鐘已經污糟辣撻 .
不過咁樣只係碎料 , 遲D個尾轆附近結黑色晒冰 ,
攪到鬼咁肉酸 , 但係見人地D車又鬼咁乾淨 ,
唔通行一次洗一次 , 咁勤力 ? 唔係掛 .
行幾粒鐘 , D油己經冇咁成格 , 認真大食 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~