2012/11/27

2012北海道10天霧地自駕遊(修訂版)D7-4襟裳岬篇




Hello !


上回講到在 "黃金道路" 招牌影相 , 呢篇繼續 .

去到果度都差唔多到達最尾既景點 "襟裳岬" .

下圖都仲係 "黃金道路" , 不過D草咁綠 , 唔知佢邊個月份影既呢 ? 

再重申 , 藍框D相係從網上Copy , 並非原創 .

我自己影D相俾我錯手刪除 , 講起又一次心痛 .  >_< !!


往 "襟裳岬" 中途見到一個叫做 "百人浜" 既地方 ,

如果冇估錯 , 果度應該係一個露營地點 , 

所以都冇停留 , 影張地標相就走得 .


終於到達呢個期待以久既 "襟裳岬" .

果度地方比想像中大 , 仲好靚添 , 如果未黎過既 Blog友 , 

而又對呢類海邊 "岬" 有興趣既話 , 

我強烈推介呢個地方 . Yeah !


呢度絕不下於 "積丹半島" 個 "神威岬" , 

唯一係輸蝕左個 "蠟燭台" , 之但係呢度可以落到最底部 , 

  咁又贏番唔小分數 .  ^_^ !! 

即係最遠處亂石堆 , 千祈咪走雞呀 !


黎多張添 , D水咁藍既 ? 唔通執相 ?


下面兩張紅框既相 , 係我影既 .

係該處叫做 "風之館" , 入場費大人300Yen .


個館係講解果度既資料 , 同埋提供望遠鏡 , 

好彩既話可以睇到亂石堆裡面 , 有 "海豹" 嚮度曬太陽 .

果日就有十零廿隻歎緊日光浴 , 不過只能夠遠觀 ,

冇得影相 , 除非D器材勁專業 .


Bye Bye !

沒有留言:

發佈留言

歡迎光臨 , 如果時間許可 , 請留番個言丫 ~