2016/03/09

2016北海道雪駕遊D2-3 忠類ナウマン象記念館篇




Hello !


上回講到介紹 Nissan Elgrand , 攪掂即刻出發 ...

今日既景點唔係咁多 , 而酒店就在釧路 , 由呢度直接去既話 , 

只需兩三個小時 , 所以晏小小出發都得 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第一個景點就係 : 忠類ナウマン象記念館 .

大約50分鐘車程就到 , 不過未開始之前 , 先叉開小小 , 

在出發果陣 , 唔記得邊位Blog友話記得帶太陽眼鏡 , 真係要帶呀 !!

第一日冇乜陽光就冇問題 , 第二日即係呢一程車 , 一開車就烈陽普照 , 

當時副太陽眼鏡仲放在後面個篋未擺上司機位 , 

D陽光在白雪反射落眼裡 , 非常之難頂 , 由於在駕駛中 , 

本來搵個避車處再攞副太陽眼鏡戴就冇問題 , 邪就邪在想搵個凹都難 , 

記得捱左20分鐘左右 , 對眼係咁流眼水 , 如果捱足全程 , 

返到香港肯定雙目失明 , 所以乜野都可以唔帶 , 太陽眼鏡一定要帶 , 

除非咁好彩全程都冇陽光 , 咁就另當別論 , 不過無謂搵命搏丫 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好喇 ~ 去番個行程 , 呢度除左象館之外 , 仲有道の駅 , 

溫泉等等 , 認真多元化 , 先參觀個道の駅啦 .  

車就擺出面 , 大把位 ~ 泊到踩界都冇問題 .   ^_^ !!


呢個 道の駅 , 叫做 忠類 . 入去咯 .


裡面細細間 , 賣D補給品咁啦 .


仲有長毛象既毛公仔 , 好Cute呀 .


好多地方都有蓋章處 , 呢度都有 .


好快就參觀完 , 出去外面再影過 , 頭先講漏左 , 呢度仲有餐廳 .


在影相期間 , 突然有個的士司機 , 載住對老夫老妻 ,

司機落車問我路 , 雖然唔知佢講乜 , 不過估到佢問象館在那方 ?

其實果陣我都係剛到步 , 未攪清楚D方位 , 佢見我支吾以對 , 

都知道問錯左人 , 佢講聲 すみません 就轉頭行去問其他人 .

之後我睇到呢塊牌 , 知道象館在邊度 , 佢已經不知所終 .


唯有自己行去啦 , 呢度就係 : 忠類ナウマン象記念館 .


入場費 300 Yen , 都算抵玩 .

呢度係Blog友 Mandy姐 介紹既 , 佢果度有更詳細既報導 .


一入場就見到一堆小象 .


關於象既書籍 .


整個北海道都有象 ?


象既祖先喎 .


要經過好多代既進化 , 先至變成依家咁款 .


象既一生 .


果塊海星咁既物體係乜冬冬呢 ? 我都唔知 .  XD


遠古既日本係黐住俄羅斯 , 慢慢分裂出黎 .


其他關於象既資料 .


日高呢一帶好似特別多 .


牆上呢D睇圖啦 .


其他生物 .


象骨結構 .


象骨化石發掘 .


輪到主角出場 .


就係 翻生侏羅館 . haha ...


好大副骨架 .


呢塊係象頭骨 , 有D似 鐵血戰士 個頭盔 .


象全身骨格圖 .


出土象牙 ?


其他象骨 .


紙摺既象 , 都幾似喎 .


睇埋個蓋章處都差唔多 .


出到黎仲有一大一細 .


小象 .


大象 , 好威猛既呢 .


攪掂第一個景點 .

Bye Bye !



6 則留言:

  1. 呢度值得參觀, 古生物骨香港唔係成日有得睇.
    提你帶超果個咪係我啦, 呢度你 D blog 友個個都關心你.
    又要矯正你嘅思維, 不論晴天陰天雪地天, 配帶適當太陽眼鏡視野係比較清𥇦, 我果副比較無咁深色偏光鏡, 一開車前就戴
    http://klnhk.blogspot.hk/2016/02/d5.html

    回覆刪除
    回覆
    1. 係呀 ~ 呢類骨頭館我都好鍾意睇 , 多謝Mandy姐既介紹 . ^^
      哦 ~ 原來係你提水叫我帶太陽眼鏡 . (不過唔講都會帶 , 因為太過重要)
      承蒙各界既俾面關心我 , 又要講聲多謝 . ^^ 除左你之外仲有 3J家庭 ~ J少 .
      摩周湖果日唔係得佢地仗義幫拖 , 執過條路線 , 條路難行好多 . THX !!
      P.S. : 再一次聲明 , 我並唔係扮新手等人教 , 而係真唔知 . XD

      刪除
    2. man wai,唔駛多謝喎,我地都係行到邊睇到邊果隻,自駕遊就有呢樣好處 ^^
      對呢個象館介紹,大家都可以互補不足 :p

      刪除
    3. Fung Mandy : 要既 , 第日再彈D好料黎 , 等我遊覽多幾個景點 . haha ...

      刪除
    4. 嘻嘻, 經過兩位小姐詳細介紹, 咁我下次又慳返一個景點 ^^
      小姐最尾影果幅正啊, 好似長毛象噴煙 :D

      刪除
    5. t : 有D地方要親身去過先至可以感受到嘛 . ^^
      最尾果張同飛鴨一樣 , 剛剛有片雲有隻象口中 , 真係咁都得 ? haha ...

      刪除

歡迎光臨 , 如果時間許可 , 請留番個言丫 ~