2016北海道雪駕遊D2-4 昆布刈石展望台篇

Hello !

上回講到參觀完 忠類ナウマン象記念館 ...

攪掂即刻起程 , 往下一站 , 就係 : 昆布刈石展望台 .

講開呢個展望台 , 係第二次黎呢度 , 第一次係2012年既霧駕遊 , 

果陣雖然冇霧 , 不過相片錯誤刪除 , 所以冇得睇 , 

今次唔同喇 , 除左展望台之外 , 仲有短片 , 雪景及Elgrand睇 , 

算係報番一箭之仇 , 而報仇事件陸續有來 , 總之就係正啦 .

如果想睇番2012年果次 , 可以Click入呢度 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

由象館黎呢度 , 需時大約1小時零20分鐘 , 中途有段上斜窄路 , 

好彩冇對頭車 , 否則都幾麻煩 , 窄路遇上對頭車我就最忌 , 怕怕 !

各位觀眾 , 呢度就係上次黎過既 ,  ~ 昆布刈石展望台 ~ 

當日藍天白雲加白雪 & 海景 , 正到痹 .  ^^

黎個橫掃咁影 , 先黎左邊 .

再黎中間 .

跟住右邊 , Wow ~ 烈陽普照 , 完全唔覺凍 .

Zoom近黎睇 , 雖然隔得幾遠 , 但D海浪聲都好清楚 .

仲好好聽添 .

順便講埋 , 今次海邊冇乜點封路 , 雪量亦唔太多 , 

早知就唔改路線 , 照原定咁去 襟裳岬 呢條路線啦 , 失策 .

不過出發前確實係俾一月尾果個超級寒流嚇親 .  =_= !!

昆布刈石展望台 , 呢度叫做浦幌町 .

黎多張添 .

下面呢個山窿走果陣會穿過 , 有短片睇 .

依家先睇後面雪景 .

D雪好綿 .

呔痕都唔多 .

上次既仇今次報番晒 , Yeah !!

好一個海岸 .

呢邊山泥倒塌咁D , 欄杆都要重新加建 .

會唔會越榻越多呢 ?

最後輪到Elgrand .

一於當佢係Model咁影 . haha ...

黑色車配白雪景 , 好大對比 .

車頭 ~ 好似好勁咁 .

有片睇 ~ 睇到3:52左右 , 可能會明白點解我咁鍾意海邊 , 

沿住海岸線咁行 , 感覺好Free .  ^^

離開後再行多半小時 , 即係下午一點鐘 , 午餐時間到 .

咖哩豬扒飯 & 凍啡 , 開餐喇喂 .

Bye Bye !