2016/06/17

2016北海道雪駕遊D7-5 古丹溫泉篇




Hello !


上回講到參觀完 和琴半島 果個秘湯 ...

跟住去下一站 古丹溫泉 , 中途經過 三香溫泉 , 

順便落車影番幾張 . 在網上搵料時 , 知道呢個溫泉並非免費觀光點 , 

而係類似民宿既溫泉 , 雖然可以日歸式幫襯 , 不過免費既都唔浸 , 

無理由要俾錢入去浸 , 所以就咁影個招牌算數 .  ^^

大露天風呂 , 三香溫泉 . (左手邊丫)


仲有個 清翠莊 同埋 和琴苑 .


馬路白雪雪 , 好正 .


既然咁正 , 就搵 Elgrand 黎做 Model 啦 .


攪掂上車行多陣 , 到達目的地 古丹溫泉 . 

擺好部車再跟住指示牌方向行 . 其實都唔係第一次黎 , 知訂架啦 .


白鳥たちの湖です


真係有D白鳥喎 , 上晒岸 , 唔通有人飼養 ?


前面就係 秘湯 古丹溫泉 .

一入去 , 見到男女兩邊各有一對男女在浸緊 , 仲要係一絲不掛果隻 ,

咁既情況 , 我當然唔會落去浸啦 . (就算冇人都唔會浸 , 只係影幾張相交差)

雖然對方好似唔多介意我闖入 , 不過影相既話 , 

可能係另一回事 , 所以唯有講聲 すみません 就走番出黎 .


唔知佢地浸幾耐 , 唯有影住另一邊先 .


呢度都有天鵝 , 仲多過頭先 和琴半島 秘湯 .


不過一陣要去 砂湯 , 所以忍手唔餵佢地 .


都係果D啦 , 受到溫泉水影響 , 岸邊有一部份冇結冰 .


咁既情況 , 怕且佢地有排都唔會走 .


隔遠D Zoom 過去 , 就係佢地 . (睇得幾多得幾多)  XD


一場黎到都影唔到相 , 真係有D唔順超 , 冇辦法啦 ~ 夾硬都要影番張 . 

雖然有小小缺德 , 不過冇理由空手而回 , 最多幫佢遮格仔 .   XD


走先 ~ Bye Bye 喇 , 古丹溫泉 .


帶住失望既心情離開 , 不過唔緊要啦 , 

好彩上次黎過影相 , 如果想睇番呢度既情況 , 可以Click入呢度 .

今晚掛住睇 琅琊榜 , 攪到晏晒 .

Bye Bye !



10 則留言:

  1. 呢個秘湯小弟試過,對住湖一邊浸温泉,一邊望着雪山及天鵝,超正,感覺非筆墨可形容。

    回覆刪除
    回覆
    1. 係自己一個人浸還是一棚人浸呀 ?

      刪除
    2. 嘻嘻, 溫泉緊係要一個人浸啦, 格劍緊係去紫禁之巔啦,

      刪除
    3. t : 格劍 ? 或者係 鴛鴦戲水呢 ? 點知開邊瓣 ? haha ...

      刪除
  2. 一個人,非常寧靜,間中天鵝在叫,與大自然一起,人間天堂,haha !!

    回覆刪除
    回覆
    1. 淨係聽你形容都 心曠神怡 . XD

      刪除
  3. 可以望住天鵝,比著我一定跳落去浸XD

    回覆刪除
    回覆
    1. 咁你有冇統計過 , 試過幾多個戶外秘湯 ? ^^

      刪除
    2. 秘湯就淨係試過呢個古丹溫泉,不老不死都係响海邊,算唔算戶外呢?

      刪除
    3. 不老不死黃金泉 , 我都有幸去過一次參觀 , (只係在外圍)
      不過其他Blog友既相片 , 倒也見過唔小 , 果度當然算係戶外啦 , 仲好正添 . ^^

      刪除

歡迎光臨 , 如果時間許可 , 請留番個言丫 ~