2018/03/20

2018四國9天自駕遊D1-10 蒲生田岬篇




Hello !


上回講到參觀完擺空城計既 德島漩渦 主場 ...

跟住經過7仔便利店 , 順便買番D野飲 , 通常都係買 午後之紅茶 , 

不過原來 午後之檸檬茶 都幾好飲架 , 有機會試下啦 .


繼續行程 , 經過一個 道の駅 , 落車鬆鬆腳 .


呢個 道の駅 , 叫做 : 公方の郷なかがわ

都係賣D農產品之類 , 都冇乜點影相 , 主要係去洗手間 .


充滿抽象派既石造擺設 , 唔通係棒球 ~ 棒球棍 & 手套 ?


四國88番靈場 , 幾時多左個89番 野球寺 ?


打手印 .


當時係 12:08 今晚住 室戶岬 果頭 , 有排趕路 .


德島縣南部Map .


經過一輪火拼 , 終於黎到呢個 蒲生田岬 .

所謂火拼 , 即係行果D單線雙程路 , 差唔多到達果段路 , 

係一段窄窄既單程路 , 如果有對頭車黎 , 是但一邊要相讓 , 

今次全程都行過唔小呢D路 , 對頭車亦遇過好幾次 , 不過都係輕易拆解 , 

幸運地冇一次要硬食倒車黎行 , 好彩 ~ 我D後波車唔係咁掂架咋 .

室戶阿南海岸國定公園 ~ 蒲生田岬駐車場 .


個牌外圍甩晒油 , 都要補番D色 .  XD


招牌石碑一塊 .


木魚一條 . haha ...

呢度話晒都係四國最東既岬丫 , 一個最東字樣都冇 , 失敗 !


亂石灘一個 .


遠處仲有個石刻 .


一個大窿 , 代表D乜呢 ?


通過呢條路 , 可以去燈塔 , 可惜封左路 .


不過唔緊要 , 另一邊有迂回路入口 .


係一段臨時搭建既鐵梯 .


燈塔廣場 , 左手邊行 .


紅色鳥居一個 .


兜左段迂迴路落番黎 , 遠處就係燈塔 .


當時見到段樓梯就驚 , 淨係Zoom張相就算 , 

頭先上網睇番 , 原來燈塔上面都幾好景 , 早知谷盡都上去啦 .


塊石碑刻得太淺 , 完全睇唔到刻D乜 .


呢度又係一個石灘 , 有興趣可以行出海 .


神像石刻 .


參觀完畢 , 返番去駐車場果邊 , 仲未完架 .


睇多張地標相 .


駐車場側邊有個湖 , 順手有照 , 先黎左邊 .


跟住係中間 .


最後係右邊 .


發炮注意 ? 唔係咁激呀嘛 , 乜野炮 ? 高射炮 ?


有電單車情侶一齊參觀 , 用電單車遊四國窄路 , 醒目 .


我都差唔多喇 , 走得 ~ 準備往下一個景點 .


Bye Bye !



沒有留言:

發佈留言

歡迎光臨 , 如果時間許可 , 請留番個言丫 ~