2018四國9天自駕遊D1-6 うずしお汽船篇

Hello !

上回講到參觀完 鳴門山展望台 , 跟住落番去搭船 .

上車揸部車落下面停車場 , 好近架咋 , 我諗一兩分鐘車程掛 ?

入到去買船飛 , 第一班船 08:00 , 之後每隔半小時一班 .

唔記得之前有冇講過 , 呢頭有兩間船公司 , 

一間D船細隻D , 收費亦都平D , 另外一間D船大D , 收費貴DD , 

不過第一班船係 09:00 , 今次搭08:00 , 自然係幫襯細船果間啦 . 

船飛一張 , 盛惠 1550Yen .

碼頭就在隔離 , 上船咯 .

第一班船人數唔算多 , 連埋我都係8個人左右 .

準備好就開船 , 呢D係船尾浪多 , 並非漩渦 .  XD

向住大橋底部進發 , 好快就到步 .

其實都唔知果陣係大潮定小潮 .

總之見到類似漩渦狀既浪花就影餐飽 . haha ...

剛日出果個方向陽光打落水面 , 好殘眼 .

所以呢個方向影得最小相 .

大橋啦 ~ 大橋係主角黎架 .

呢條橋都幾勁 , 冇石蠆既位都佔幾長 , 真係唔知既點起 ?

可能呢刻唔係大潮 , 所以漩渦比想像中小 .

冇佢D宣傳相片咁誇張 .  ^^

不過都叫做唔錯啦 , 有得參觀呢條 鳴門大橋 .

當日都影左好多張相架 .

左邊影完到右邊 .

間唔中都幾大浪 .

船尾部份係露天 , 當然係勁大風啦 .

耐唔耐都要返入船艙隔住玻璃影 .

左手邊有野睇 . 

漩渦呀 ! 

去到橋底 , 佢會停一陣俾你影相 .

好好咁把握呢段時間呀 .

影到咁上下都差唔多咯 , 大家都返回船艙 .

大橋底部 .

一陣去渦之道 , 就係由橋底望落下面 .

經過 孫崎灯台 .

差唔多回到碼頭 .

大家都盡興而回 , 包括我在內 .

準備上岸 .

Bye Bye !