Hello !
上回講到參觀完 渦の道 之後 , 都要告別呢一區 ...
上返去 千畳敷展望台 , 見到一班團友 , 叫做有番D人氣啦 ,
話晒都係星期六嘛 , 冇理由鬼影都冇隻 , 冷清清咁既 .
鳴門大橋 , 最後一擊 , 係咁先 . Bye Bye !
(走果程仲要再經過佢一次)
四國既絕技 , 阿波舞 ~
過幾日會去佢個會館 , 遲D再詳談 .
商店都陸續開檔 , 右手邊好似西柚既物體 , 叫做 文旦
文旦 ? 個名特別得黎又趣緻 , 我鍾意 . ^_^ !!
呢個係剛到步時既停車場 , 之前講過較後時間會堆堆質 .
就係咁樣喇 , 泊前面果D車點樣走呀 ? 後面部車又冇寫 :
如有阻塞請電 ... 之類 , 又或者佢去左搭觀潮船咪大劑 .
都係呢D收費位穩陣D , 另外上面果座就係 鳴門山展望台 ,
由下面搭扶手電梯上去 , 來回好似 400Yen左右 .
呢一帶就係鳴門公園周邊 , 好多個景點遊覽 .
離開之後好快就到另一個停車場
跟住呢個景點就要講番D資料 ... 日本乙組聯賽玟球隊 .
德島漩渦 , 主場 德島縣鳴門綜合運動公園陸上競技場 .
日乙剛開季 , 打左四場 , 兩勝兩負 , 依家排在第九位
今次專誠黎參觀佢個主場 , 諗住好似好耐之前既
北海道 札幌岡薩多 主場咁樣 , 買番D紀念品 .
前面就係喇 , 一入去 , 點知 ...
好似如入無人之境咁樣 .
成大個主場 , 搵隻鬼影黎睇下都冇 .
不過一到比賽日 , 應該會爆晒廠掛 ?
講開又講 , 呢個運動場 , 要黎踼足球 , 好似唔多適合 .
因為就算第一行坐位 , 距離球場都頗遠 , 唔可以同觀眾打成一片 .
況且呢度坐位亦都唔算多 , 同英超果D差好遠 .
我都坐低扮觀眾 , 為球隊打氣 . haha ...
下面應該係大看台及直播室 .
結果只係參觀一個吉既球場 , 裡面乜都冇 , 洗手間倒也唔小 .
失望之餘上番車 , 準備往下一站 .
下一站係7仔便利店 , 日本D便利店 , 好好行架 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~