Hello !
上回講到駕駛通宵車 , 由 "積丹" 美國港水中展望船 ,
直接往 "知床" 道之駅 , 呢篇繼續 .
上回果篇 "知床通宵車" 篇 , 大家都好似好感興趣 ,
有Blog友意見話好危險 , 其實都唔怕既 , 基本上 "日本" 都好安全 ,
不過呢程車出發前我冇向任何人透露過 , 免得嚇親佢地 ,
依家冇穿冇爛返黎 , 足證小心駕駛 , 唔怕既 .
另外有小小野想補充 , 話說 "頭文字D" 裡面 , "拓海" vs "東堂塾"
既 "館智幸" 果篇 , 話 "拓海" 跟住對方車尾想爬頭時 ,
為了令對方防不勝防 , 因此熄了車頭燈黎攝位突襲 ,
睇動畫時我都係半信半疑 , 經過今次深夜通宵車之後 ,
我就深信不疑 , 原來在完全冇街燈既路面駕駛時 ,
左右及後面既倒後鏡 , 真係漆黑一片 , 乜野都睇唔到架 .
呢個時候如果有車從後突襲 , 一定會俾佢成功爬到頭 .
不過我又唔係同人鍊車 , 當然唔會有車熄燈爬我頭啦 ,
想講在倒後鏡裡面 , 真係乜鬼野都見唔到 .
~~~~~~~~~~~~~~~~~~~~~~~~~~~~~~~~~~~~~~~~~~~
講完無謂野 , 又去番行程 , 一覺醒來已經係第三日清晨 ,
尋晚其實只係淺層睡眠 , 在咁既環境之下 , 點可能熟睡丫 .
司機隔離個位 , 就算點拉後 , 都唔及張床咁舒適 ,
果陣只係用件外套披住個身 , 深夜時翻風好似香港打風咁 ,
當時心諗 : 咁大風 , 聽朝點算呢 ?
不過好邪喎 , 一到天光果陣 , 風勢自然消失得無影無蹤 ,
就好似從來冇翻過風咁 , 邪 ~ 邪 ~ 邪 . =_= !!
既然醒了 , 不如早D起身 , 唔講唔知 , 果陣四點已經天光 ,
唔通 "知床" 近東邊 , 天光都早過人 ?
梳洗及執番個樣之後就出發 , 呢張係離開 "道之駅" 時影既 ,
成晚係得我部車同部 "吉普車" , 不過果部車當然冇人啦 .
第一站食早餐先 , 隔離有兩間便利店任揀 , 早餐到 .
食完即刻出發 .
上呢條斜路 , 點都要落車影番張相 .
第一單激氣野到 , 通往 "知床峠" 既通道 ,
網頁話4月下旬通車 , 乜野叫做4月下旬呢 ?
以我既認知 4月20至30 都叫做4月下旬 , 當時係4月23日清晨 ,
去到果度真係未通車 , 失望之餘 , 都要面對現實 .
咁點算好呢 ? 明明係一通就過既道路 ,
眼白白咁過唔到 , 唯有放棄部份景點 ,
落番 "斜里" 果頭 , 兜下路往 "羅臼" 啦 ,
如果對果頭既地圖有概念既話 , 應該知道大約點行 .
結果呢程車用左我足足3個鐘頭先至兜到過果頭 .
(即係話下面張相同上面張相 , 相隔3個鐘頭車程)
開始進入 "羅臼" 地帶 , "國後島" 呢D路牌 , 隨處可見 .
仲有石碑添 .
知床連山景觀地 .
轉左就係 "羅臼" 道之駅 .
有一排舖頭 , 呢間係海鮮市場 , 一陣幫襯佢 .
呢間先係正宗 "道之駅" , 樓上係展望台 .
表面上呢度係三間舖頭 , 不過其實裡面係互通 .
地圖一張 .
如果中間果度通車 , 呢程車至小慳兩粒鐘 .
先上展望台參觀 .
海鷗一隻恭候 . haha ...
對面就係 "國後島" , 不過乜野都睇唔到 .
另一邊係碼頭 .
一望無際 .
閉露電視睇住你 . ^^
後面D山仲未溶雪 .
下一層展望室 , 時間係A.M.10:00
北方領土 國後島
類似 "還我河山" , 回水 ... 等路牌 ,
遲D多到睇唔晒咁滯 , 呢張只係開始 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~