Hello !
上回講到參觀完 しおかぜ公園 , 呢篇繼續 .
果度已經係 "羅臼" 町既最後一站 , 之後向 "標津川" 進發 .
沿住海路黎行 , 大約半個小時車程之後 ,
經過一個叫做 "國後展望閣" 既地方 .
搵料果陣只係見過呢度既相片 , 都唔知係乜野黎 ?
(一直以為係資料館之類 , 其實完全唔係果回事)
咦 ! 封晒圍板既 ?
門同窗都封晒 , 駛唔駛呀 ? 攪邊科 .
不如睇左後面個石灘先 .
我最鍾意呢D海景 . ^^
一望無際 . (不過睇唔到 "國後島")
去到佢正門 , 原來係一間食堂 .
可能真正意思係一邊食 , 一邊望住個 "國後島" 掛 ?
仲有蟹賣 .
雖然唔識日文 , 不過淨係睇D漢字 , 都知佢想講乜 .
美味心坊 .
冇得入去參觀 , 唯有繼續開車 ,
再多15分鐘車 , 到達下一個景點 "標津川" .
Salmon Culture River
標津川 .
聽聞呢條河係 "三文魚" 由大海進入產卵既河流 .
雖然話水清則無魚 , 不過都幾污糟喎 .
就係呢條河 . (唔見有魚喎 , 唔通攪錯季節) ?
繼續行 , 好快就到下一站 "標津サーモン科学館" .
隔離有個水池 , 可以買飼料餵鵝 , 不過佢唔係我杯茶 .
仲有 "三文魚" ?
好似係 "鯉魚" 黎咋 . ^_^ !!
想睇真正既 "三文魚" , 呢邊喇喂 .
サーモン科学館 .
拎定610Yen出黎啦 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~