Hello !
上回講到參觀 "羅臼" 道之駅展望台 , 呢篇繼續 .
睇了好耐都見唔到 "國後島" , 之後落樓下參觀 ,
樓下係一個手信禮品部 , 好多土產賣架 .
包括有 : 昆布 ~ 海膽 ~ 魚乾等乾物 .
花多眼亂 , 都唔知買乜好 , 盡頭果度係一間食堂 .
叫做 : 羅臼の海味 , 知床食堂 .
既然唔知買乜 , 不如就食餐飯先 , 當時係A.M.10:08 ,
都唔知叫做早餐定午餐好 ? 不過 "自駕遊" 係咁架啦 ,
好多時都係去到邊食到邊 , 完全唔需要時間觀念 . ^_^ !!
入去求其搵個位坐 , 部電視本來未開 ,
不過見到有客到 , 即刻開黎俾我食住睇 , 認真識做 .
睇睇個餐牌先 , 本來想叫淨 "海膽丼" , 不過又驚多得滯 ,
所以叫個 "三色丼" 2400Yen , 叫做平均D啦 .
一個人包場黎食 , 習慣晒咯 . XD
好快就到 , 各位觀眾 : 三色丼 .
(碗湯送既 , 不另收費 , 正呀 ! 唔客氣喇)
食完出發下一站 , 大約40分鐘車程 ,
黎到一個叫做 "相泊" 既地方 , 亦即係 "道之駅" 左上87號
羅臼線行到盡頭 , (如果有路行既話 , 再入就係 "知床岬")
不過已經前無去路 .
呢度係一個漁港 , 有隻船停嚮度分魚 ,
有剩就拋俾D海鷗食 , 充滿外國 Feel .
不過烏鴉就冇咁好彩 , 要食自己 . >_< !!
唔駛驚 , 仲有我嘛 , 點會餓親你地架 . haha ...
用埋尋日剩餘物資黎餵飽你地 , 唔好客氣 , 食盡佢 .
玩完去番頭先盡頭路果度 , 叫做 "相泊橋" .
其實只係短短一條橋 , 睇附近小河風景好過啦 .
河水流出大海 , D雪仲未溶晒 .
隔離仲有間 "土產屋" , 不過冇開檔 .
既係土產店 , 又係食堂 , 仲係民宿添 .
Wow ! 日本最北東突端地 , 係真唔係呀 ?
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~