Hello !
上回講到在酒店食晚餐 , 呢篇繼續 .
食完上房休息等浸溫泉 , 順便介紹埋間房 .
襯依家記得講埋 , 呢度一泊二食9900Yen ,
啤酒525Yen , 合計 : 10425Yen .
首先介紹大檯一張 & LCDTV .
起初以為中間呢度開 "榻榻米" , 原來係和洋式房間 .
即係側面仲有間房 , 擺放兩張床 .
就係中間果度 .
兩張床 , 揀左手邊果張啦 .
中間係正門 , 左右各一間房仔 .
右手邊係浴室 .
左手邊係馬桶 .
洗手就要去番窗口旁邊 , 呢樣比較怪D .
飯後蘋果 , 整番個丫 .
邊食邊睇電視 .
日本海稱呼問題 ? 叫番個日本海咪得囉 ,
駛乜攪咁多野喎 .
日本海與東海有乜分別 ?
基本上完全聽唔明 , 只能夠睇漢字斷估 . XD
休息夠皮之後去浸溫泉 , 攪掂返黎就休息 .
唔講唔知 , 上果日餐風露宿 , 真係瞌唔著 ,
今晚就唔同喇 , 加上浸埋溫泉 , 正式係一覺訓到大天光 .
Bye Bye !
第三日完 .
~~~~~~~~~~~~~~~~~~~~~~~~~~~~~~~~~~~~~~~~~~~~~
同場加映 , Day4 早上既街景 .
由於果度樓房較矮 , 所以都冇乜野景觀可言 .
大家發唔發覺遠處有霧氣呢 ?
亦即係由今日開始 , 進入大霧地帶 , 當時仲慒然不知 ,
以為晨早空氣 , 清新開朗 , 陽光溫暖 , 帶來無限美 ...
鄉郊酒店有度好 , 就係可以開窗 .
可能習慣了開窗 , 如果冇得開 , 硬係周身唔聚財 .
再參觀多次個浴缸 , 比一般既深 .
(屋企果個係咁就正咯)
洗手盆都係勁闊 , 真係唔講唔知 . ^^
再一次 Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~