Hello !
上回講到參觀完 しべつ海の公園 , 呢篇繼續 .
今日行程經已完結 , 係時間往酒店 Check in .
旅館叫做 :標津川温泉 ぷるけの館 ホテル川畑 温泉
都係果D老規矩 . (影印護照 , 填姓名 ~ 地址 ~ 電話 ... )
佢問我想幾點食晚餐 ? 我話越快越好啦 ,
佢話OK , 叫廚房即刻幫我攪掂 .
咁就拎齊行李上房 , 上到房 , Wow ~ 真係嚇我一驚 ,
唔係有鬼 , 只係間房好大 , 同 "札幌" 比起上黎 , 真係差天共地 .
跟手好快就落去食飯 , 房間號碼 226
我落到去經已準備好大部份野 , 果然效率驚人 .
先黎介紹 , 首先係 : 毛蟹一隻 , 正 !
雜錦刺身一客 .
沙律一兜 .
炸物 .
金菇菜 .
白飯任裝 , 呢兜白飯就勁喇 . ^^
漬物 & 豉油 .
錫紙包住D乜呢 ?
開估 , 檸檬 & 姑類 .
去到第三晚先至叫做食餐好D ,
唔啤啤佢都對唔住自己 , 飲勝佢 , Yeah .
開餐前黎個大合照 .
電視撈飯係最佳享受 . haha ...
當時做緊新聞報導 ,
呢個專輯係講早日既 "小樽駅" 重新裝修 .
訪問緊市民意見 .
居然連壽司店都有 , 果日行過都未開張 .
地元の人 ? 乜野意思 .
P.S. : 原來即係本地人咁話喎 .
JR北海道の人 .
乜都同佢清晒 , 飽到啊媽都唔認得 .
上房繼續睇電視 , 到時到候再浸溫泉 ,
不過呢間酒店既溫泉 , 真係不提也罷 . >_< !!
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~