Hello !
上回講到食完晚餐及浸溫泉後休息 , 呢篇繼續 .
踏入第八日 , 今日行程又係唔多 , 最主要係離開 "襟裳岬" ,
沿住海邊直去 , 終點係 "洞爺湖" .
粗略咁估計 , 就算唔停站直去 , 車程都要5粒鐘左右 ,
不過中途又點會唔停站呢 , 就算去洗手間都要啦 .
依家落樓下食左早餐先 , 可惜個早餐只屬普通料 , 不提也罷 .
食完就上房執野鬆人 , 埋單 10550Yen .
開車出發 , 行左冇耐就有怪事發生 , 乜野事呢 ?
之唔係個安全帶燈號及BB聲一齊響起 , 位是停埋一邊檢查 ,
冇野喎 , 自己果邊有扣安全帶呀 , 於是繼續開車 ,
誰不知隔一陣又野料 , 果D BB聲 , 嘈到人心都煩埋 , 點解咁呢 ?
思前想後只有一個解釋最合理 , 就係我隔離個座位 , 放左個旅行袋 ,
今日重秤左 , 令到部車以為隔離座位有人坐而冇扣安全帶 ,
所以警報大作 , 於是乎幫幫隔離位扣好安全帶 , 咁樣先冇事 .
平時冇幫隔離位扣安全帶都冇事啦 , 真係俾佢玩殘 .
咁樣俾佢攪一攪 , 浪費些小時間 , 好彩第一個景點就在附近 ,
叫做 : 道の駅みついし , 呢度亦係 "三石海浜公園" .
呢個就係 道の駅 みついし
後面係一望無際既海灘 .
呢D係海邊小部屋 , 住番晚都唔錯 . ^^
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~