2012北海道10天霧地自駕遊(修訂版)D8-2サラブレッドロード新冠篇

Hello !

上回講到參觀完 "三石海濱公園" , 呢篇繼續 .

上車繼續行程 , 大約一個小時之後 , 

到達下一個景點 , 呢度同上個景點差唔多 , 

都係在 "道の駅" 裡面 , 不過今次唔係睇海 .

講開呢個 "道の駅" 就犀利喇 , 皆因以往所參觀既 "道の駅" , 

絕大部份都係死氣沉沉 , 即使店員講句早晨 , 都係有神冇氣 , 

但係呢度就唔同咯 , 俾到我第一個感覺就係人氣 .

雖然未至於 "賓墟" 咁既場面 , 總之就熱熱鬧鬧咁啦 ,

講左咁耐 , 都仲未介紹 , 呢度就係 サラブレッドロード新冠 .

除一般既 "道の駅" 商店及洗手間之外 , 呢度仲有其他野 ,

就好似右手邊果個展望台 , 雖然唔算高 , 

不過其他地方矮 , 所以都幾好景架 . Yeah !

道の駅サラブレッドロード 新冠 , 日文網站對呢度有咁樣既介紹 . 

レ・コード館の優駿の塔がランドマークになっている ,

競走馬たちのふるさとに建つ道の駅 .

呢度同馬 & 音樂都好有淵源 .

好多馬匹介紹 .

向展望台方向行 , 見地下有三幾個人排緊隊 , 

一於跟住排 , 每人俾300Yen , 仲以為係展望台入場券 ,

原來係一個舊式唱機博物館展覽廳 .

果度擺放好多陳年黑膠碟播放機 , 充滿古董Feel ,

有D舊式到要用手攪 , 另外D黑膠碟 , 亦係古董中既古董 .

不過好話唔好聽 , 我果個時代 , 已經係CD時代 ,

時至依家連CD都Out埋 , 俾MP3所取代 .

我最後買果隻CD , 係 "平井堅" 既 JAPANESE SINGER ,

由於該處不准影相 , 所以即使張咭冇報銷 , 都冇相睇 . 

之後上展望台參觀 , 可惜四圍都班唔到相 , 所以冇得睇 .

地下有個馬既銅像 , 好有型呀 !

(呢D先至係跑馬 , "大間崎" 既寒立馬肥肥矮矮 , 邊度夠人跑丫)

Bye Bye !