2012/12/09

2012北海道10天霧地自駕遊(修訂版)D8-5完(洞爺湖山水和風酒店篇)




Hello !


上回講到在 "熊牧場" 玩餵熊 , 呢篇繼續 .

參觀完之後入番去 , 裡面係一個紀念品購物店 .

相信大家都比我更加清楚 , 皆因好多旅行團去果度 ,

不過除非真係好鍾意 , 否則都係留番最尾果日 ,

在 "狸小路" 九折店買好過 , 果度全新裝修 , 地方大左唔小 . 

(遲D有相睇 , 仲係出自我手筆添)

OK ~ 行完個店鋪之後 , 都係時候往酒店 Check in .

果陣四點幾 , 比平時早左D , 既然行程完晒 ,

不如早D去酒店浸個飯前溫泉好過 .

落山往酒店方向行 , 又係唔駛Set GPS , 自己都認得路 .

去到酒店 , 今次佢地出代客泊車呢一招 , 放低所需行李 , 

交條車匙俾佢 , 自己入去 Check in , 攪好手續後 ,

再講低幾時食晚餐 & 明日早餐 , 拎埋鎖匙就上房 .

執條毛巾就落樓下浸溫泉 , 呢度溫泉係定時男女湯交替 , 

即係今晚浸女湯呢邊 , 聽朝就浸男湯果邊 , 都幾好丫 ,

唔係局限嚮一處咁寡 , 入到溫泉 , 又係受 "日本" 長假影響 , 

比起以往多人好多 , 都幾熱鬧架 .  ^^

呢度就係溫泉 , 室內室外各一個池 , 池水幾熱 .


到時到候上房食晚餐 , 呢張係參考圖片 , 並唔係食呢個餐 .


食飯期間出面又黎一次 "海嘯警報" , 咁邪 ?

不過只係持續10秒左右 , 所以根本冇上心 , 話之佢啦 .

食完飯將D架生放在門口 (好似放垃圾咁) 自然會有人做野 .

睇陣電視磨到 P.M.8點幾 , 係時候出去湖邊睇煙花 .


好正架 , 仲好多人睇添 , 個個嘩嘩聲 , 勁熱鬧 !


D相雖然係借人地 , 不過即使自己影 , 都冇人地影得咁靚 .


大約半小時就放完 .

 (D煙花唔係放得好密 , 好似久唔久放兩發咁)

呢間就係酒店外貌 , 今次又係住番上次果間 ,

叫做 : 洞爺湖山水和風酒店 .


返酒店再浸溫泉 , 一於浸到佢盡為止 . Yeah !

今次呢間平平地 , 一泊二食都係 7650Yen , 夠晒實際 .


浸完就休息 , 結束左呢個第八日 .

Bye Bye !

第八日完 .

P.S. : 唔記得講埋 Check in 果位姐姐 , 係講 "普通話" ,

心諗 "日本人" D普通話居然勁過我 ? 冇可能 .

細問之下 , 原來佢係 "內地" 留學生 , 唔怪得啦 , 

嚇得我丫 . haha ...

沒有留言:

發佈留言

歡迎光臨 , 如果時間許可 , 請留番個言丫 ~