2016北海道雪駕遊D3-17 霧多布旅館くりもと房間篇

Hello !

上回講到離開 琵琶瀨展望台 之後 ...

巧遇鹿群過馬路 , 再行多10分鐘車程 , 接近今晚投宿既旅館 , 

忽然心諗 : 聽朝有兩個景點 , 叫做 アゼチの岬 同埋 霧多布岬 ,  

會唔會好似剛才 淚岬 咁 , 停車場佈滿積雪 ? 橫掂仲有D時間 , 

不如上去睇睇 , 如果勁大雪既話 , 聽朝可以即刻走人 , 慳番D時間 .

於是乎經過旅館都唔入去住 , 先上 アゼチの岬 , 睇下點環境 ?

由旅館上 アゼチの岬 , 需時約莫5分鐘 , 好快就上到去 , 好彩地下冇乜雪 , 

聽朝可以上黎參觀 , 依家睇住小小黃昏景 , 叫做先睹為快 .  ^_^ !!

各位觀眾 : アゼチの岬 招牌一個 .

Check過Google地圖 , 前面果個叫 小島 , 後面果個叫 嶮暮帰島 .

Wow ~ 月上三竿 , 其實唔係好夜架咋 , 當時只係P.M.5:12

遠處燈光果度就係 浜中町 .

睇住咁多先 , 既然道路暢通無阻 , 都唔駛去霧多布岬探路 , 

聽朝先直接去踩場 , 依家可以往旅館Check in , 

雖然道路尚未全黑 , 不過都開番盞車頭燈穩陣D .

去到佢停車場 , 擺好部車 , 拎齊野入去Check in .

另外講埋 , 雖然呢度係第一次黎 , 不過未出發之前 , 

先上Google街景服務在附近繞場一周黎睇 , 所以對果度一帶都幾熟 , 

仲搵到幾條街後有個油站 , 聽朝出發前可以去入油 .

今次房間編號係 209 , 入去咯 .

房間冇幾大 , 一眼睇晒 .

床一張 .

檯 & TV . 

(見唔見左邊銀色既水壺 , 我都買左個類近 , 遲D再介紹)

洗手間 , 有浴缸 . 

(之前唔知有冇講過 , 呢度個溫泉好唔掂 , 

可能係預左D人去 霧多布温泉ゆうゆ 果度浸)

馬桶 ~

簡單左D喎 , 有冇得洗Pat Pat架 ? 唔記得左添 .  XD

鎖匙一條 , 209號房 .

雪櫃一個 .

暖爐一個 ~ 

唔講唔知 , 呢味暖爐正式係熱到爆燈呀 . haha ...

衣櫃一個 .

隔離係空氣清新機 .

床頭燈一盞 .

好 ~ 攪掂就落去食飯 , 雖然唔算太肚餓 , 

不過都食得落野既 .  XD

Bye Bye !

聽晚星期六休息 , 皆因實在太多野睇 , 就好似早場英超 , 

韋斯咸 vs 阿仙奴 , 仲有 EU超時任務 大結局 , 

跟住仲有最緊要既 G1格鬥會 . 所以真係好忙 , 部份節目有重疊 , 

唯有睇得就睇 , 錄得就錄 .  =_= !!