2016北海道雪駕遊D4-14 GPS介紹篇

Hello !

上回講到攪掂晒 納沙布岬 呢個景點 ...

正準備開車往下一站 , 忽然諗起 , 由呢度去 海陽亭旅館 , 

都係個零鐘左右 , 就算中途加多一兩個景點 , 都仲有時間剩 , 

倒不如就在呢度攪掂埋個GPS介紹篇佢 , 免得日後又要抽時間 .

最重要係呢度 "靜英英" , 實唔會有人騷擾 , 鍾意點影都得 .

呢篇GPS介紹 , 對於自駕遊大行家黎講 , 無疑係班門弄斧 , 

之不過若然係從未試過自駕遊 , 咁就可能有D幫助 .

就搵我黎講 , 第一次自駕遊之前 , 心裡充滿住戰戰競競 , 

唔知攪唔攪得掂個GPS ? 上網搵料又唔係有咁多呢方面既題材 .

 (當年係在Yahoo Blog 搵料) 一見到有GPS既資料 , 即時會追睇 .

如今叫做有小小經驗 , 所以要拎出黎分享 , 叫做造福人群咁啦 . haha ...

而GPS輸入 , 有好多種玩法 , 例如 : 電話號碼 ~ MC ~ 郵區編號 ~ 

50音輸入 ~ 地圖篤手指等等 ...  今次主要講輸入電話號碼 & Mapcode .

一篇講晒呢兩味 , 唔駛分兩篇 , 夠晒連貫 .  ^_^ !!

就由電話號碼輸入開始啦 , 呢度係 納沙布岬 , 15:43

按下 メニュー

出現主頁畫面 , 再按電話番号

輸入所需電話號碼 .

就用今晚旅館 海陽亭 黎試 ,  0153228881 輸入後按 撿索 .

見到 ホテル ねむろ海陽亭 , 按 決定 .

會見到呢個畫面 , 如果有其他野 , 可以逐樣揀 .

冇就按 案内スタート , 其他資料會顯示在左上角 , 

包括剩餘km 及 剩餘時間等等 ...  (行車時會出現)

攪掂晒電話號碼輸入 , 輸到Mapcode輸入 , 其實都係大同小異 .

按右上角 現在地 , 去番頭先個畫面 , 再按 メニュー 入主頁 .

第一版冇 Mapcode , 控右邊三角箭咀 .

マップコード 出現在左下 .

按下就會出現輸入號碼畫面 .

呢個Mapcode號碼係 海陽亭 個MC , 輸入後按 檢索 .

又係出現 海陽亭 既資料 .

OK既話又係按 案内スタート

由於我唔係直接去旅館 , 所以出番黎現在地 .

襯仲有時間 , 介紹埋個汽車CD , 先按OPEN .

出現呢個畫面 . OPEN or DISC EJECT ?

未入碟自然係揀OPEN啦 .

今次淨係帶左 ZARD 唱片 , 其他歌聽MP3 .

入碟 ~ 吸入式設計 , 幾得意 .  ^^

歌曲選擇 & 音量 .

之前好似講過 , 聽CD既缺點係當佢報路面資訊時 , 

歌聲會變得好細聲 , 影響左首歌既連貫 . (有時一首歌報幾次資訊)

不過話時話 , 播CD既音質又唔錯喎 , 好過MP3 .

好 ~ 攪掂晒 , 聽晚繼續行程 , 仲有兩三個景點至返旅館架 .

Bye Bye !