Hello !
上回講到參觀完 根室花 & 根室駅 , 真係要往旅館 ...
幾個街口之後就到達旅館 , 停車場就在對面 , 擺好部車就入去 .
今晚旅館叫做 : ホテル ねむろ海陽亭 .
襯記得講埋 , 一泊二食+啤酒 , 合計 : 14960Yen
上篇講過 , 晚餐訂左在呢度食 , 試一試佢既 花咲蟹套餐 .
襯仲有D時間 , 介紹埋間房先至落去 . ^_^ !!
今晚住308號房 , 入去咯 .
閉番房間先 .
地下有拖鞋兩對 .
洗手間門 & 趟門各一 , 先參觀洗手間 .
一打開門 , 應該有既野都有 .
包括浴缸 , 話時話 ~ 呢度個溫泉只屬普通料 .
馬桶 ~ 有洗Pat Pat果隻 , 都係果句啦 ,
相信都好難搵得到馬桶係冇得洗Pat Pat既酒店&旅館 .
攪掂洗手間 , 轉過隔離 , 趟開度門見到床已經鋪好 ,
可能係鋪定先 , 唔駛等一陣落去食飯時入黎鋪掛 ?
一於黎個全方位介紹 , 圍個圈黎影 .
間房叫做細細地 , 一個人住夠晒咯 .
好 ~ 影埋呢張就齊晒四邊 .
電視一部 .
雪櫃 ~ 水煲 ~ 杯 ...
食完飯坐呢味凳睇街等浸溫泉 , 好舒服架 .
街外風景 , 左邊呢度旺D .
中間即係停車場位置 .
右邊都係停車場 , 比較冷清 . (聽日先睇到部車)
窗口可以打開 , 唔駛咁焗 .
海陽亭 308
wi-fi 密碼 , 唔好話俾人知呀 . haha ...
聽朝既早餐券 .
有料 TV CARD , 又係1000Yen放題 , 睇到你唔睇都得 . XD
OK ~ 可以落去食飯 , 一陣寫埋佢 , 解決呢個第4日行程 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~