Hello !
上回講到參觀完 根室車石 , 立即上車趕下場 ...
不過果陣已經係點零鐘 , 有乜野都食左飯先講 .
往食飯途中 , 停燈位 , 順手有照 .
本來都諗住去食飯 , 不過途中見到有堆烏鴉 ,
忍唔住落車玩番幾手 . ^_^ !!
今程既餅乾只係帶得兩包 , 過一兩日去到 砂湯 先至覺得失策 ,
早知帶多幾包啦 , 依家就唔駛就住就住咁黎餵 . =_= !!
黎喇喂 ~ 我未開餐佢地先開餐 . XD
烏鴉好醒目架 , 就算將條餅乾飛插落D雪度 ,
佢地都可以擔番出黎 , 勁!
係咁咦玩陣好喇 , 上車行多陣 , 終於搵到間餐廳 .
芝士豬肉飯 , 千祈唔好睇小佢 , 幾好味架 .
(亦可能係朝早只係食個日式早餐 , 磨到依家 , 乜都覺得好味)
之前好似講過 , 我最唔鍾意拎D飯上車食 ,
除非特殊情況 , 今次就係喇 , 外面勁大風 , 費時食飯加灰塵 ,
都係在後座解決佢 , 最多食得小心D , 唔會整污糟部車既 .
食完繼續趕路 , 好快就黎到呢個 望郷の塔 .
正想入去之際卻發現 ... 休館日 , Why ?
下面張紙寫住 , 濃霧與惡劣天氣等 , 一律可以休館而無需事前通知 .
又一次食閉門羹 , 唯有從下面高炒佢啦 . (請打橫睇)
之後過對面參觀 四島のかけはしと祈りの火 .
未去之前先參觀個洗手間 , 呢個洗手間就大有名堂喇 .
洗手間外型係照住根室特產花咲蟹黎做 .
望郷の塔 , 唔通同佢真係有緣無份 ?
如果好天上去參觀 , 可以望到更遠 .
流冰型既電話亭 , 夠晒特色 . ^^
望郷の岬公園 .
唔講唔知 , 呢度都係個津波勝地黎喎 .
部車擺在停車場先 , 最後先參觀 四島のかけはし .
左邊果間係 觀光物產中心 , 即係手信部 .
門上有塊牌寫住 ... 本日休館日 .
其實都未必有野買 , 不過一場黎到又休館 , 有D失望 .
南極大陸廣告牌仲未拆 ? 有D食老本Feel .
溫度計顯示當日只係 0至1度之間 , 都幾凍下 .
請望苑 , 個名都幾特別 . XD
呢兩間都有開檔 .
輪到海邊景 , 大把招牌影 .
呼叫還我北方領土 .
今次只係用日本國旗 , 唔用軍旗 .
北方領土奪還 , 日本民族連合 .
前面有危險 , 又係立入禁止之類 .
呢個納沙布岬海岸 , 可觀性遠不及車石 ,
不過論到歷史性 , 又在車石之上 .
呢度見到小小四島之一既 水晶島 , 下篇再睇過 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~