2010北海道10天自駕遊(修訂版)D2-9室蘭市水族館篇

Hello !

上回講到參觀完 "室蘭駅" 之後 ,

下一站係近近地既 "室蘭水族館" ,  就度就在 "白鳥大橋" 附近 , 

GPS帶到呢度就話到步 , 於是見到個爛地停車場就泊埋去 , 

而第三單 "蝦碌事件" 就在呢度發生 , 呢一單唔講得笑 , 

一個唔好彩既話 , 可以好大鑊 , 好彩冇事發生 , 叫做大步檻過啦 .

就係呢個爛地停車場 . (雖然近住 "水族館" , 不過唔係佢正式停車場)

"水族館" 旁先至係正宗停車場 , 隔離係大風車 .

再隔離遠處就係 "白鳥大橋" .

事發經過係咁樣 : 話說當日想試試打開車窗 , 

感受外面既空氣 , 於是打開司機位隔離果個車窗 (3-4 吋) , 

點知唔記得閂番佢 , 就咁樣落車去 "水族館" 參觀 , 

直至到玩完返黎先發現原來冇閂窗 , 經檢查之後 , 

好彩 ~ 冇事發生 , (果度冇乜人經過 , 都幾冷清)

萬一一個唔好彩既話 , 俾人撻咁D野 , 咁就玩都玩得唔高興啦 . 

所以第日我都冇再開過其他既車窗 , 怕怕 !

講番個水族館 , 地方唔算大 , 我諗都係做番本地街坊既生意 .

呢度買飛入場 .

街坊價 300Yen .  ^_^ !!

  

入去咯 . (左出口 , 右入口 , 夠晒簡單)

左手邊有三個水池 , 分別有唔知海狗定海豹 ? 同埋企鵝 .

好沉默 , 夠晒性格 . haha ...

行入小小 , 有座迷你版 "摩天輪" .

仲有旋轉木馬 .

要另外買飛 , 門票唔包 .

呢度都有小型企鵝巡遊 , 唔輸蝕架 .

有隻走左出界 , 夠晒活潑 ! 

不過硬係覺得 "登別" 果款企鵝靚仔D .

呢款就係 "登別" 果種企鵝 , 係咪靚仔好多呢 ?

睇完戶外果Part , 輪到室內部份 .

一排魚缸 , 好多種類都有 .

慢慢參觀 , 逐個睇勻佢 .

右手邊有樓梯上二樓 .

水母 . (好有日劇 "流れ星" Feel)

電鰻 , 真係識放電架 , 行近佢D燈泡會著 .

最後係得番棚骨既 "殺人鯨" .

參觀完畢之後 , 返上車 , 就發生上述既事 , 好彩 "日本" 既治安都唔差 ,

否則就不堪設想 .而呢個亦係我咁鍾意黎 "日本" 既原因之一 .

檢查清楚之後 , 就去隔離既 "道之駅" 參觀 .

Bye Bye !