2014/08/31

2014北海道11天自駕遊D8-2 狩勝峠篇




Hello !


上回講到食完早餐楂車返回 Tower , 上房執齊野 Check Out . 

之前同Blog友都討論過好多次 , 呢類渡假酒店淨係住得一晚 , 

好似唔多夠皮 , 如果時間充裕 , 起碼都要住番佢兩至三晚 , 

咁先至係波架嘛 , 依家好似滾水淥腳 , 正式係到喉唔到肺 , 真失策 ! 

(不過失策事件陸續有黎 , 睇埋落去就知)

落到 Lobby , 前面又係餐廳 , 呢度都有好幾間 , 唔駛驚餓親 .  ^^


襯冇乜人 , Check Out 丫 , 唔該 ~


攪掂晒手續出番黎 , Bye Bye 喇 , 星野リゾート トマム , 唔知幾時會再黎 ?


有團人又係同呢度講 Bye Bye , 上車喇喂 .  ^^

話時話 ~ 我都冇耐未試過跟團坐旅遊巴觀光 , 有時自駕得耐都想轉一轉 , 

不過只係想一想咋 , 唔會付諸實行 , 因為跟團玩睇小好多景點 .  =_= !!


拎番D野上車 , 剩低綠色果張 木林の湯 入場券冇機會用 , 激氣 !


上車第一個景點係本來尋日去既 Bear Mt , 不過時間不足改為今日去 .

中途經過一個叫做 狩勝峠 既地方 , 呢個景點係 Blog友 大小姐 (即係 Nerissa ) 推介 , 

橫掂必經之路 , 順便停低影番幾張相 , 唔該晒喎 . 


千祈唔好睇小呢度 , 係堂堂 日本八景 , 衰極都有個譜 . haha ...


第一件事幫襯左佢先 , 雖然呢度離 Tomamu 只係半小時車程 , 

不過早餐飲得多 , 冇辦法啦 .  XD


攪掂出番黎 , 輪到睇風景 .


狩勝峠 ~ 日本新八景 ? (咁舊八景係乜野 ? )


展望台在對面馬路 , 呢度屬於 南富良野町 .


監察鏡頭 , 雖然唔知係咪捉快車用 , 不過見到佢 , 

係咪都減一減速 , 需防人不仁嘛 . (下篇短片都會見到佢)


日本新八景狩勝峠入選功勞者顯彰碑 . 叫做 : 坂井辰吉


隔離仲有 十勝小唄 .


呢個招牌先係主角 : 狩勝峠 .


展望台 , 上去咯 .


整個 狩勝峠 & 停車場 , 一覽無遺 .


頭先果幾塊碑 .


附近既山脈介紹 .


今次由左至右 , 先黎左邊 .


中間 .


右邊 .


台上仲有另一個招牌 . 狩勝峠


除左我之外 , 仲有其他遊人 .


落番黎過另一邊繼續 .


D樹生得幾靚喎 , 係咪松樹呀 ?


隔離仲有大舊石 .


差唔多要過番對面 .


上車走得 , 又攪掂一個景點 .


聽晚去 Bear Mt , 點知失望而回 .

Bye Bye !

2014/08/29

2014北海道11天自駕遊D8-1 星野リゾート トマム 早餐篇




Hello !


上回講到浸唔到 木林の湯 , 唯有返房浸浴缸 , 

之後上網及睇多陣電視就訓覺 , 起身就到第8日 , 咁多位早晨 !!

日上三竿 , 好似好晏咁 , 其實係A.M.7:05咋 .

講開又講 , 呢度有個叫做 雲海 既行程 , 不過要晨咁早起身 , 

最重要係未必包睇到 , 所以都係制唔過 , 訓多陣留番D精神楂車好過 , 

新聞都睇得多啦 , 楂車時恰眼訓 , 好大鑊架嘛 .  =_= !!


再一次影窗外 , 我住30/F , 仲有幾層就到頂 , 究竟有幾多層呢 ?


如果冇估錯 , 呢度都係餐廳 , 不過今次繼續幫襯晚餐果度 .


梳洗過後落去食早餐 , 睇番D電梯掣 , 原來呢度有37/F .


呢兩棟野真係越睇越有型 , 正 !


落去樓下攞車 , 要楂車去食早餐 , 呢個渡假村都算夠晒誇張 .  ^^


地下有部份在裝修中 .


一碌碌建築材料 , 好想睇佢裝修完係點樣 .


落到停車場 , 好多車都係 わ 字頭既出租車輛 .


不過 , 根據 コーさん 提供既資料 , 出租車既車牌 , 已經去到 れ 字頭 .


去到尋晚自助餐果度 , 居然要等位 , 真係丫 .

好彩只係幾分鐘 , 入場後坐低望過去 , 都幾多人喎 .


老規矩 ~ 先巡一巡再拎野食 , 由於好多人 , 以下每張相都係以快為主 , 

質素可能麻麻地 , 大家有定心理預備 .  XD


第一張就背光 , 失敗 .


第一味必食既 ~ 麵包 .


記得叮一叮佢 , 同埋拎牛油 .


乜野黎架 ? 雜菜 ?


青瓜 & 蘿蔔絲 .


火腿片 .


蒸薯仔 . (淨番幾個咋)


意粉 .


魚肉餅 ? 唔知係咪呢 ?


炒滑蛋 .


蒸牛肉 .


日式雜菜 .


甜品 ?


粟米片 .


豆腐湯 .


腸仔 .


雞蛋 .


黎多張添 , 上面果D係烏冬 .


生果 .


飲品 ~ 鮮奶丫 , 唔該 . (咖啡一陣先)


參觀完畢 , 全力拎野食 . Yeah .


先黎第一轉 .


清晒 . haha ...


咖啡 , 正 ! (食完記得反轉個牌等佢執野)


黎多一轉 , 揀乜黎好呢 ?


食完之後出番黎影相 , 其實距離 Tower 都好近唶 , 

不過懶行所以楂埋部車黎 .


走得 ~ 上車啦 .


A.M.8:16 , 得番半缸油 .


話咁快就返到 Tower , 上房執野 Check out .


Bye Bye !

聽日星期六休息 , 禮拜再黎過啦 .