Hello !
唔覺唔覺 , 今日又到生日既大日子 , 每年呢個時候 ,
都會整番篇生日快樂篇 , (唔計2018果年Miss左) , 今年都照番傳統 ,
開番個生日Party , 叫做沖喜一下 . ^_^ !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
生日願望食完蛋糕先講 , 今次願望同以往有D唔同 ...
簡簡單單 , 蛋糕一個 , 生日快樂 , 身體健康 !!
第一件 , 切左成四份之一咁滯 , 食大佢 . haha ...
下一位 .
好快就得番一半 , 有買襯手 . Yeah !!
好 ~ 食完蛋糕就講願望 , 相信呢個亦都係大部份市民既心願 .
當然係疫情早日散退 , 好似當年沙士咁 , 消失得無影無縱 ,
仲要唔單止係香港 , 全世界既19病毒都要消失 , 我頂佢唔順呀 !!
頭先收到Blog友Shirley姐既回應 , 除了祝賀生日之外 ,
並祝賀可以早日再飛出香港 , 飛出香港呢樣暫時都唔敢諗住 ,
如果可以攪番掂香港既經濟 , 都已經偷偷地笑咯 ,好似依家咁 , 生意唔似生意 ,
日日都望天打掛 , 疫情一波又一波 , 疫苗方面又未能做到量產 ,
要做到全球普及 , 都唔知要幾多個年頭 ?
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
睇番之前既生日快樂篇 , 幾乎次次願望都係講去日本 ,
玩得開心D , 租乜野車之類 , 今年真係愁爆 ,
希望下年果篇生日快樂篇 , 又回復去日本既心願啦 .
雖然次次都係咁講 , 不過都要講多次 , 呢個世界總會有人慘過你 ,
明天會更好 , 捱住先啦 . ^_^ !!
Bye Bye !!
