2010/07/31

2010北海道10天自駕遊(修訂版)D3-5有珠山篇B




Hello !


上回講到在 "有珠山" 遊步道行山 , 呢篇繼續 .

接番上回果篇最尾張相 , Wow , 淨係睇呢個 "月半灣" , 

已經值回票值 , 再行多遠都冇問題 .


受到地熱既影響 , 有D草地既地面 , 都會有煙出 .


火山呢樣野 , 香港幾曾有得見到 , 幾大都望多兩眼 , 影多兩張 .


下山口 ? 未住 , 仲有段路要行埋佢先掉頭 .


就係左手邊 "外輪山展望台" , 行埋呢段先至係行程終點 ,

不過其實仲有得再深入 , 唔知會去到邊 ?


見到塊板類似太陽能接收板 , 夠晒環保 , 不過唔收得幾多掛 ?


再前D有舊石 .


寫乜野呢 ? (就算睇到都唔明)


連八卦都有 ? 唔係咁講風水呀嘛 . haha ...


行行重行行 , 終於到達呢程既終點 : "外輪山展望台" .


拉近佢黎睇睇先 , 陣陣白煙 , 有D仙境Feel .


有塊水牌講解佢 .


1977 - 1982  曾經爆過 ?


左手邊果度就係個凹位 , 就係其中一個蒸氣來源 .


左手邊係 "洞爺湖" .


右手邊係 "月半灣" .


睇到呢度 , 差唔多要番去咯 .


途中偶爾見到D本地行山人士 , 雖然三唔識七 , 

不過碰面時都會Say個Hi , 幾過癮架 , 呢位仲帶埋隻狗黎行山 , 

一於唔好放過佢 , 影番張相先 .


同佢主人傾番幾句 , 都係D大路野 .

好似係 : 嚮邊度黎呀 ? "香港" 囉 ,

隻狗幾得意喎 , 係呀 .

就係咁樣 , 之後分道揚鑣 , 繼續大家既行程 .


起程行番去 "纜車站" .


前面呢舊野 , 乜東東黎架 ?


原來係GPS自動觀測 , 同車上面既GPS有冇關係呢 ?


行到腳都軟 , 終於行到最後一段 , 上到最頂就返到個高原平台 .


都係叫你小心D , 唔好行出界之類既告示牌 .


攪掂 , 遠處就係纜車站 , 行了個幾兩個鐘 , 

對腳仲軟緊 , 仲踩唔踩到油呢 ?  ^_^ !!


Bye Bye !

2010/07/29

2010北海道10天自駕遊(修訂版)D3-4有珠山篇A




Hello !


上回講到坐纜車上到 "有珠山" , 呢篇繼續 .

有珠山 ロープウェイ (攝於平成22年5月09日)

    
起初只係諗住去到最遠個高地影相就算 , 點知仲有下文 .


一直向前行 , 望向右手邊就係 "有珠山" .


最高尖尖地果度 , 有D似 "望夫石" .


回頭望一望 , 遠處果度就係頭先 "纜車站" .


上到高原地帶 , 當然要四邊影齊佢啦 .


永遠都係果句 : 現場睇靚好多架 .


咦 , 有舊烏雲添 , 好彩最終都冇落雨 .

上面烏卒卒 , 下面(右邊)藍色 , 都幾大對比 .


再望多次個 "有珠山" .


頭先講既下文 , 就係行 "有珠山" 外輪山遊步道 .


落去咯 , 都幾長途架 , 返黎就知味道 , haha ...


到達第一個 Check Point , 影張相先 , 

有珠山 ~ 火口原展望台 .


展望完就繼續 , 仲有排行 .


大致上既行程表 .


再行多陣 , 又一個 Check Point , 叫做 : 銀沼大火口 .


右手邊果度升起陣陣白煙 , 果然係一個大火口 .


再行多一陣 , 回頭一望 , 

Wow , 一陣要行番上果條長樓梯 , 真係腳都軟 .


不過風景真係好靚 .


或者係城市人 , 平時冇乜點樣行山 , 

久唔久一次 , 都幾正架 .


荒山野嶺都有個洗手間 , 點都要幫襯佢 .  ^^


又唔會臭到冤喎 , 佢地點樣清理既呢 ?


唔講唔知 , 當時都幾大風 , 吹得好舒服 .


行了三份之二路程 .


再黎一張 , 好靚既海灣 .


火口原展望台 , 標高470M .


Bye Bye !