2011北海道10天雪地自駕遊(修訂版)D4-1紋別プリンスホテル早餐篇

Hello !

第4日 ~ 2011年1月29日 , 星期六 .

上回講到食完晚飯 , 浸完溫泉 , 抖一陣就休息 .  

一宿無話踏入第四日 , 起床時間 A.M.7:35 , 

本來平時會早D起身 , 不過今日頭3個景點都係九點後開門 ,

所以晏小小都冇問題 .

第一件事 , 當然係影街景啦 .

尋晚Check in夜媽媽都睇唔到 , 原來有D海景 .

D雪仲多過 "稚內" & "宗谷" 果頭 .

  

攪掂落去食早餐 , 早餐處就在地下果層 , 

可以見到部車 , D檯凳都幾殘 , 果然歷史悠久 .

咁多人揀野食 , 唔係咁方便影相 .

唯有食住等啦 , 都係D "西式" 大路野咁啦 .

坐多一陣比較小人 , 做野咯 .

雖然瓣數唔算多 , 不過都OK掂 .

好似炒麵 ~ 煙肉 ~ 腸仔 ~ 蛋 ~ 麵包 , 咁就夠晒 .

沙律菜 & 鮮奶 .

食佢幾勻先至夠皮 . haha ...

飲埋杯咖啡就鬆人 .

  

上房執齊野Check out  , 一泊二食加啤酒 11400Yen .

乜部車攪咁呀 , 尋晚落過雪喎 .

其實都唔算嚴重 , 更糟既都見過 , 

係咁咦掃走玻璃面D雪就算 , 其他等熱力溶化佢 .

取車果陣17577 , 依家18206 , 唔覺唔覺都行了 629公里 ,

有樣野唔知係心理作用還是真既呢 ? 如果踩到100km或以上 ,

D油會用得較快 , 若然保持住 70-80 km既話 ,

D油又會耐用D喎 , 究竟係錯覺定真既呢 ?

大約10分鐘車程 , 就到第一個景點 ,

叫做 : 北海道立オホーツク流氷科学センター

就在 "道の駅" オホーツク紋別 隔離咋 .

呢支野就在 "科學館" 對面 .

蟹鉗就遠小小 , D雪好深 , 唔過去咯 , 用鏡頭Zoom過黎算 .

"紋別" 有3個景點 , 科學館 ~ 海豹園 ~ 同埋流冰展望台 .

呢度就係流冰展望台 .

馬路上面居然有人玩雪車 , 認真誇張 .

北海道立オホーツク流氷科学センター

爭取時間  , 第一個地方就係 : 嚴寒体驗室 .

裡面有成零下20度 , 工作人員話我D衫會頂唔順 ,

所以借出佢地既大風褸 , 不過好話唔好聽 , 就算佢提供既大風褸 , 

都唔頂得幾耐 . 最先投降係對耳 ~ 個鼻 ~ 對手 , 

所以要盡快影相 , 否則凍死都有份 .

(相機會唔會凍到影唔到既呢 ?)

Bye Bye !