Hello !
上回講到離開 "網走監獄" 之後 ,
即刻過隔離 "天都山展望台" , 由 "網走監獄" 去果度 ,
只需幾分鐘車程 . 一入去就見到呢個 "鄂霍次克流冰館" .
搜集資料果陣 , 有Blog友話呢度唔係幾抵玩 ,
所以都唔諗住入去 , 原來呢度都有得玩Fing毛巾 .
第日都係信自己好過 , 不過唔緊要啦 , 下次再玩過 .
仲有 ~ 聽講呢度有個展館 , 低至零下41度 ,
駛唔駛咁誇呀 , 豈非連眼珠都凍到結冰 ? @_@
既然唔入去 , 就直上頂樓 "展望台" 啦 .
(層層都有記念品部 , 認真有殺錯 , 冇放過 .)
如果唔買野 , 拎部相機係咁影相 ,
好似好怪咁 , 都係從門口影入去算數 .
呢個就係展望台 .
從入面影出去 .
出番去再影 .
四處鋪滿白雪 , 感覺有D似上次既 "藻岩山" .
能見度勁低 .
下面係頭先 "車轆滑雪" .
唔講唔知 , 果陣落緊雪 , 不過唔係好大 .
如果夏天黎呢度 , 四處綠油油 , 相信係一番新景像 .
好凍呀 , 頂唔順喇 , 影埋呢張就入番去 .
攪掂就鬆人 , 當時已經係P.M.4:07 , 下一站係 "能取岬" .
(見過鬼都怕黑 , 有車停前面既話 , 都係慢駛好D)
大約20分鐘 , 過埋個隧道口就差唔多到 .
去 "能取岬" 途中 , 又發生一件 "蝦碌事件 .
話說途中見到D靚景想影相 , 不過部車過晒廟 ,
見後面冇車黎 , 就咁入後波向後駛 , 點知好似撞到野 ,
即刻落車檢查 , 原來後轆撞落路壆果度 , 好彩部車冇事 .
嚇死人咩 , 之後行程都冇再玩呢招 , 怕怕 !
中途經過 , 網走市 , 美岬牧場 .
網走國定公園 "能取岬" .
熱烈歡迎 , 中國電影 "非誠勿擾" 攝影地 .
能取岬 . 燈塔 北海道網走市 .
好一個荒蕪之地 , 鬼影都冇隻 .
對面就係海皮 , 不過D雪都幾深 , 埋唔到去 .
"舒淇" 在邊個位跳落涯呢 ? ^^
燈塔 .
再黎一張 , 各位觀眾 : 能取岬 .
冰海好靚呀 , 可惜開始天黑 .
黎張大合照就走得 , 側面好污糟呀 , 呢張唔算數 .
正面乾淨D , 呢張OK , 真係走得 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~