Hello !
上回講到離開 "帶廣駅" 之後 , 即刻去 "愛國駅" .
先愛國 , 後幸福 , 就係佢既網頁介紹 , 話咁樣先至叫做圓滿喎 .
點解收晒工既 ? 家陣才不過P.M.2:57 . why ?
原來歇冬休息 , 淨係開星期日 .
咁大張車票 . ^^ (愛國 ~ 幸福 220Yen)
恋人の聖地 , 愛国駅へ
交通記念館 ~ 帶廣市 (又係星期日先開場)
部車就泊在左手邊既 "駐車場" .
候車處 , 一個人都冇 .
あいこく 愛国 AIKOKU
蒸氣機關車9600型 .
車就係有部呀 , 不過包實晒 . =_= !!
應該要包既 , 否則鋪滿晒雪 , 清理就麻煩 .
"愛國駅" 既資料 , 不過唔識睇 .
國鐵廣尾線 , 愛國駅 .
又一個站牌 , 帶廣市愛國町 .
另一邊有個車廂 , 不過好殘舊 .
入唔入去好呢 ?
答案係想入都冇得入 , 鎖住晒 .
唯有伸隻手入去影 , 真係一部古董車 .
黎番張大合照 .
隔離有D鋪頭 , 不過一樣冇開檔 .
門口有個章蓋處 .
黎張遠既 .
見唔見到有隻小狗在洗手間門口 ?
講開呢隻狗就犀利咯 , 話說當日經過佢附近 ,
佢一見到我即刻吠到拆天 , 咁都仲未夠 , 吠多兩吠仲衝埋過黎 ,
嚇到我退都退唔切 , 一路退呀退 , 好彩佢D伸縮橡筋繩拉到盡頭咋 .
真係俾佢嚇鬼死 . haha ...
俾佢嚇完 , 當堂醒晒 , 繼續起程 .
愛完國 , 下一站當然係爭取幸福啦 . ^_^ !!
幸福駅 , 我來也 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~